যিশাইয় 59:6 - Chakma Bible

⁶ তারার মাগড়গ জালত্ কাবড় ন-অয়; তারা যিয়েনি উরোন্ সিয়েনিলোই নিজোরে নাঢি ন-পারন্। তারার বেক্ কামানি ভান্ন্যেই, তারা আঢত্ আগেদে ক্ষতি গুরিবার কামানি।

যিশাইয় 59:6 Iomraidhean Croise

পত্থম 6:11

সে সলাবোত্‌ গোজেন ইধু গোদা সংসারান পাপর্‌ পজাবাজে আর অত্যেচার-অবিচারে ভরা এলঅ।

ইয়োব 16:17

তো মুই কাররে অত্যেচার্‌ ন-গরং মঅ তবনাগান খাটি আঘে।

গীতসংহিতা 55:11

সে ভিদিরে চলের্ ভস্ত অনার্ কাম; অত্যেচার আর ছলনার কামানি শঅর ভিদিরে আমিযে আঘে।

গীতসংহিতা 58:2

নয়, তমা মনত্ আগেদে অন্যেয় গুরিবার চিন্তে; বিচেরর্ পাল্লাবোলোই পিত্‌থিমীগানত্ তুমি অত্যেচার মাবি দুয়োর্।

যিশাইয় 30:1

লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 57:12

তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিশাইয় 58:4

উবোস্ থানার্ ফলে তুমি কোল্-কোজ্যে গুরি থাগঅ আর ঘুষি মারিনে একজন আর একজনরে আঘাত্ গুরি থাগঅ। তুমি এবাবোত্যেগুরি উবোস্ থেলে আশা গুরি ন-পারিবাদে যে, মুই তমা কধানি শুনিম্।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

যিহিষ্কেল 18:12

তে নাঢা আর অভাবীগুনোরে অত্যেচার গরে। তে চুর্ গরে আর বন্ধগী জিনিস্‌‌চানি ফিরেই ন-দে। তে মূত্তিপূজো গরে আর জঘন্য কাম্ গরে।

যিহিষ্কেল 7:11

অত্যেচারর্ লুদিক্কোই অন্যেয়গুরিয়্যেগুনোরে সাজা দিয়্যে অবঅ। তারা জনেদি ভালোক্কুন্ অলেয়ো কনজন ন-থেবাক্, তারার্ ধন-সম্পদ বা বাঈনী গরানা কিচ্চু ন-থেবঅ।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

আমোষ 6:3

তুমি মনে গরত্তে যে, তুমি দযার্ দিন্নোরে দূরোত্ সোরেই দুয়োর্, মাত্তর্ আজলে তুমি সন্ত্রাজর্ রাজাগিরি চালর্।

মীখা 2:8

এচ্চ্যে মঅ মানুচ্চুনে শত্রু ধোক্ক্যেন ওই উঠ্যন্। যুদ্ধোত্তুন্ ফিরি এচ্চ্যে মানুচ্চুনো ধোক্ক্যেন যিগুনে নিচিদে গুরি পধেদি আঢন্ তারা কিয়্যেনিত্তুন্ তুমি কাবড়ানি খুলি নেযর্।

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

সফনিয় 1:9

যিগুনে ফাল্যেনে চৌকাঠ পার্ অন আর অত্যেচার আহ্ ছলনালোই তারার্ দেবেদাগুনোর্ ঘরানি ফেলেং ফেলেং গরন্ সেদিন্যে মুই তারারে সাজা দিম।”

সফনিয় 3:1

অভিশাব্ পোড়োক্ সেই অত্যেচারীবোর, উল্লোমীবোর্ আর অসিজি শঅরানর্!

মালাখি 2:16

ইস্রায়েলর গোজেন লগেপ্রভু কত্তে, “মুই মোগোরে ছাড়ি দেনা ঈচ্ গরং।” ইয়েনি বাদেয়ো বেগত্তুন্ খেমতাবলা লগেপ্রভু কত্তে, “যে মানুচ্চো কাবড়্ বুনেদে ধোক্ক্যেন নিজোরে অত্যেচার্ দিইনে সাজে তার সেই কামানি মুই ঘিনাং। সেনত্তে তুমি তমা মন পৌইদ্যেনে উজিয়ার অ, বেঈমানী ন-গোজ্য।”