যিশাইয় 59:4 - Chakma Bible

⁴ কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিশাইয় 59:4 Iomraidhean Croise

ইয়োব 15:31

বাজে জিনিজো উগুরে বিশ্বেজ্‌ গুরিনে তে যেনে নিজোরে ন-ঠগায়, কিয়া তে সিয়েনর্‌ বদলে কিচ্ছু ন-পেবঅ।

ইয়োব 15:35

তারার্‌ পেদত্‌ থেবদে শদান্‌ আর তারা জর্ম দিবাক্‌ ভান্ন্যেইয়ুনোরে; তারার্‌ পেদত্‌ জোর্মেবদে ছলনা।”

গীতসংহিতা 12:3

যিগুনে কন্, “জিলানিলোই আমি জিদিবোং; আমা ঠুট্টুন্ আমা পক্ষেদি আগন্, কন্না আমার্ মুরুব্বি অবঅ”? তারার্ ঠোগেয়্যে ঠুট্টুন্ আর বার্‌বোলোই-ভরা জিলান্ যেন লগেপ্রভু কাবি ফেলায়।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গীতসংহিতা 62:4

তার দাঙর্ পথ্‌তানত্তুন্ তারে তলেন্দি লামেই দেনা তারার বানা এক্কান ফন্দি; মিজে কধালোই তারার ফুত্তি। মুয়োন্দি তারা বর্ দুয়োন্ মাত্তর্ মনেদি অভিশাব্ দুয়োন।

গীতসংহিতা 7:15

গাত্ খুড়িনে তে ভিদিরেত্তুন্ মাদি তুলি ফেলায় আর নিজো গাঢত্ নিজে পড়ে।

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

যিশাইয় 10:1

অভিশাব্ পোড়োক্ সেই মানুচ্চুনোর্, যিগুনে অন্যেয় আইন জারি গরন্ আর মিজে দলিল বানান্ যেনে তারা নাঢা মানুচ্চুনোরে তারার্ অধিকারত্তুন্ সোরেই দি পারন্ আর মর্ অত্যেচার ওইয়্যে মানুচ্চুনোরে ন্যায়বিচের পাদে মানা গুরি পারন্ আর রানিমিলেগুনোর্ আর মা-বাপনেইয়্যেগুনোর্ জিনিস্‌ছানি লুদেই পারন্।

যিশাইয় 26:18

আমি পিদিলী ওইয়্যেই, পিড়েই কিয়্যে মোযোজ্জ্যেই, মাত্তর্ আমি বোইয়্যেরানরে জর্ম দিয়্যেই। আমাল্লোই দেজ্‌‌চান রোক্ক্যে ন-পায়, জগদ মানুচ্চুনেয়ো আমাল্লোই জিংকানি ন-পান্।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 29:20

চিৎনপুজ্যেগুনে আর্ ন-থেবাক্; ঠাট্টা-মশ্‌কারী গুরিয়্যেগুনে শেজ্ ওই যেবাক্, আর যিগুনে ভান্ন্যেই কাম্ গুরিবার্ চান্ তারারে ভস্ত গুরি ফেলা অবঅ।

যিশাইয় 30:12

সেনত্তে ইস্রায়েলর সেই পবিত্র মানুচ্চো এ কধাগান্ কোইয়্যেদে, “তুমি মঅ কধাগান্ এলাফেলা গোজ্য, আর মিজে আর অত্যেচার্ গরানা উগুরে বিশ্বেজ্ গোজ্য।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 33:11

তুমি পেদত্ ধুরিবেদে তুজ্ আর জর্ম দিবেদে দার্‌‌বো। তমা নিজেস্‌‌চুনে আগুনো ধোক্ক্যেন গুরি তমারে পুড়ি ফেলেব।

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিশাইয় 5:18

অভিশাব্ পোড়োক্ সেই মানুচ্চুনোর্, যিগুনে ছলনার্ দুড়িলোই ভান্ন্যেয়ানরে টানি আনন্, আর পাপ জিনিস্‌ছানরে টানি আনন্ যেন গোরু গাড়ি দুড়িলোই।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 59:15

সত্যগানরে কনজাগাত্ তোগেইনে পাহ্ ন-যায়, আর যে ভান্ন্যেয়ানরে ছাড়ে তে অত্যেচারর্ শিগের্ অয়। লগেপ্রভু ইয়েনি দেগিলো আর ন্যায়বিচের নেই বিলিনে বেজার্ অলঅ।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 48:7

তুই যেক্কে তঅ কাম্ আর ধন উগুরে নির্ভর গোজ্যস্ সেক্কে তরেয়ো বানিনে নেযা অবঅ, আর কমোশ তা ধর্মগুরু আর রাজার চাগরুনো সমারে বন্দী ওইনে দূরোত্ যেবঅ।

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিরমিয় 7:4

লগেপ্রভুর ঘরর নাঙান্দোই বার বার যে মিজে কধা কুয়ো অয় তুমি সিয়েন বিশ্বেজ্ ন-গোজ্য।

যিরমিয় 7:8

চঅ, তুমি মিজে কধালোই বিশ্বেজ্ গোজ্য, মাত্তর্ সিয়েনত্ কনঅ লাভ নেই।

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

প্রেরিত্‌ 24:9

এই বেক্‌ কধানি যে সত্য সিয়েনত্ যিহূদীগুনেয়ো হাম্ খেলাক্।

যাকোব 1:15

সে পরেদি কামনা পুরেলে পরেদি পাপর জর্ম অয়, আর পাপ বেশ্ অলে পরেদি মরণর্ জর্ম অয়।