যিশাইয় 59:19 - Chakma Bible

¹⁹ পোজিমেদি মানুচ্চুনে লগেপ্রভুরে ভোক্তিগুরিনে দোরেবাক্ আর পূগেদি মানুচ্চুনে তার মহিমাগান দেগিনে গমেডালে দোরেবাক্, কিত্তে লগেপ্রভু তার নিজেজ্‌‌চোই গদা ভাঙেদে বান পানি ধোক্ক্যেন এবঅ।

যিশাইয় 59:19 Iomraidhean Croise

গীতসংহিতা 113:3

বেলান্ উদেদে সিত্তুন্ ধুরি বেলান্ ডুবেদে সং লগেপ্রভুরে বাঈনী গরা ওক্।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিশাইয় 30:28

তা নিজেস্‌চো যেন জুরে এচ্চ্যে গঙার পানি যিয়েন মান্‌জ্যর গত্তনা সং উদে। তে বেক্ জাদ্‌‍‌‍‌‌তুনোরে ভস্তর্ চালোন্দোই চালেব আর বেক্ জাদর্ মানুচ্চুনোর মুয়োত্ এমন্ মোগোনি খাজা দিবো তারারে ভস্ত অনাগানর্ ইন্দি টানি নেযেব। ‍‌

যিশাইয় 45:6

যেন পূগেত্তুন্ ধুরি পোজিমেদি সং মানুচ্চুনে হবর্ পান্, মুই বাদে আর কনজন নেই। মুয়ই লগেপ্রভু, অন্য আর কনজন নেই।

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 66:12

লগেপ্রভু কত্তে, “মুই তা ইন্দি গাঙ ধোক্ক্যেন গুরি ভালেদি বুয়োই দিম, আর জাদ্‌তুনোর ধন-সোম্বোত্তিগানি তা ইদু বান পানি ধোক্ক্যেন এবঅ। তুমি এবাবোত্যে চিগোন গুরো ধোক্ক্যেন অবা যিবেরে দুধ হেই হেই করত্ গুরি নেযা অয় আর আঢু উগুরে নাজা অয়। ‌‌

যিশাইয় 8:7

সেনত্তে প্রভু ইউফ্রেটিস গাঙানরে জদবদে বান পানি ধোক্ক্যেন্ সয়সাগজ্যে গুরি আসিরিয়ার রাজারে তারার্ বিরুদ্ধে খুব যাদিমাদি আনিবো। সে পানিগানে গাঙানির্ বেক ছড়াগানি আর কাজাকুরেদি জদবদে বেঈ যেবঅ,

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

মীখা 7:17

তারা সাপ আর অন্য বুগেদি-আদন্দে পরাণবলাগুনো ধোক্ক্যেন ধূল্যে খাদোক্। তারা তাম্বুলানিত্তুন্ গির্‌গিরে গির্‌গিরে তমা ইধু, আমা গোজেন লগেপ্রভু ইধু নিগিলি এত্তোক্ আর তরে দরাদোক্।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।