যিশাইয় 59:16 - Chakma Bible

¹⁶ তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিশাইয় 59:16 Iomraidhean Croise

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 94:16

কন্না মর্ পক্ষ ওইনে পাজিগুনোর বিরুদ্ধে কধা কবঅ? মর্ পক্ষ ওইনে অন্যেয়গুরিয়্যেগুনোর বিরুদ্ধে কন্না কধা কবঅ?

গীতসংহিতা 98:1

তুমি লগেপ্রভুর নাঙে নুয়ো গীদ্ গঅ, কিত্তে তে ভালোক্কানি আমক্ অবার কাম গোজ্যে; তার খেমতা, অয়, তার পবিত্র দাঙর্ খেমতালোই তে উদ্ধোর্ গোজ্যে।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 33:3

তঅ মুয়ো রবোলোই মানুচ্চুনে ধেই যান্; তুই উদিলে জাদ্‌তুনে ছিদি পড়ন্।‌

যিশাইয় 40:10

চঅ, প্রভু লগেপ্রভুর খেমতালোই এজের্, তার খেমতাবলা আঢ্‌তান তার ওইনে রাজাগিরি গরের্।‌ চঅ, বক্‌শিজ্‌‌‌চান তা সমারে আঘে, তার পাওনাগান তাইদু আঘে।

যিশাইয় 41:28

মুই রিনি চেলুংগে, কনজনে নেই; সল্লা দিবাত্তে তারা ভিদিরে কনজন নেই, তারারে পুযোর্ গুরিলে জোব্ দি পারন্।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

মার্ক 6:6

মানুচ্চুনে তারে বিশ্বেজ্ ন-গুরিলাক্ দেগিনে তে খুব আমক্ অলঅ। ইয়েনর্ পরেদি যীশু আদামে আদামে যেইনে মানুচ্চুনোরে শিক্ষ্যে দিয়্যে ধুরিলো।