যিশাইয় 59:11 - Chakma Bible

¹¹ আমি বেক্কুনে ভালুগো ধোক্ক্যেন গুজুরিই, কঅ ধোক্ক্যেন নরম্ গুরি ডাগিই। আমি ন্যায়বিচের পেবাত্তে চেই, মাত্তর্ ন-পেই; আমি উদ্ধোর্ পেবাত্তে চেই, মাত্তর্ সিয়েন বোউত্ দূরোত্ থায়।

যিশাইয় 59:11 Iomraidhean Croise

গীতসংহিতা 119:150

যিগুনে বজং কাম গরন্ তারা কায়কুরে লুম্মোন্দি; তারা তঅ উগুমোত্তুন্ ভালোদ দুরোত্ থান।

গীতসংহিতা 119:155

পাজিগুনে উদ্ধোরান্ এনেবাদে ন-পেবাক্, কিত্তে তারা তঅ সুদোমানি মন ন-দুয়োন্।

গীতসংহিতা 38:8

মুই বল্‌‌পোজ্যে ওইয়োং, এক্কুবারে ভাঙি পোজ্যং, মন পিড়েলোই মুই সাজুরঙর্।

গীতসংহিতা 55:2

মন্দি চাহ্, মরে জোব্ দে; মর্ শত্রুগুনোর বিষো ধোক্ক্যেন কধালোই আর পাজিগুনো অত্যেচারে মুই দুঘোত্ থির্ নেইয়্যে ওইয়োং আর ফবাঙর্। তারার্ বজং কামানিত্তেই তারা মঅ উগুরে দযা ডাগি আন্যন্, আর রাগে মঅ উগুরে অত্যেচার গোজ্যন।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

যিশাইয় 38:14

চাতক, শালিক আর কঅ ধোক্ক্যেন মুই গির্‌‌‍‌‌‌গিজ্যে রলোই ডাগিলুং। উগুরেদি চাদে চাদে মঅ চোগ্‌কুন চুলোদন্। ও প্রভু, মুই দুঘ্ পাঙর্, তুই মঅ ভারান্ নেযা।‌‍‌‌‌

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিশাইয় 59:14

সেনত্তে ন্যায়বিচেরানরে ওদেই দিয়্যে ওইয়্যে আর ন্যায্যগান দূরোত্ থিয়্যেই আঘে; সত্যগান পধে পধে উজুদো হেইয়্যে, সততাগানে চোমেই ন-পারে।

যিশাইয় 59:8

তারা সুগ্-শান্দির পথ্‌‍‌‌‌‌তান হবর্ ন-পান্; তারা পদথ্ কনঅ ন্যায়বিচের নেই। তারা নিজো পথ্‌‍‌‌‌‌তান বেঙা-তেরা গোজ্যন্; যিগুনে সে পধেদি চলন তারা সুগ্-শান্দি কি সিয়েন হবর্ ন-পান।

যিশাইয় 59:9

সেনত্তে ন্যায়বিচেরান আমাত্তুন দূরোত্ থায় আর সততাগান আমা ইদু ন-লুমেগি। আমি পহ্‌‍‌‌‌‌র পেবাত্তে চেই, মাত্তর্ বেক্কানি আন্ধার; জোল্‌‍‌‌‌‌জোল্যে পেবাত্তে চেই, মাত্তর্ ঘন ছাবালোই চলিই।

যিরমিয় 8:15

আমি শান্তির আজা গোজ্যেই মাত্তর্ কনঅ ভালেদি ন-অলঅ; আমি গম্ অবার আজা গোজ্যেই মাত্তর্ অমকদ বুগোত্ দর্ সোমেল।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

আবিলেচ্ 3:17

সুগ-শান্দি মত্তুন্ দূর্ গরা ওইয়্যে; ভালেদি কি, সিয়েন মুই ভুলি যেইয়োং।

যিহিষ্কেল 7:16

যিগুনে বাঁজি থেবাক্ আর ধেই যেবাক্ তারা বেক্কুনে মুড়োই মুড়োই থেবাক্ আর পত্তিজনে তা পাপত্তে কলগ কঅ ধোক্ক্যেন আবিলেচ্ গুরিবাক্(দুগুরিবাক্)।

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

নহূম 2:7

রাণীর কাবড়-চুগোরানি খুলি ফেলেইনে তারে বন্দী গুরিনে নেযা অর্। তার চাগরাণীগুনে কঅ কুরেদে ধোক্ক্যেন আবিলেচ্ গত্তন্ আর বুগ্ চাবাড়াদন।

নহূম 2:8

নীনবীগান এক্কান গদা-ভাঙি যেইয়্যে পুয়োরো ধোক্ক্যেন যিয়েনর পানিগান নিগিলি যার্। তে “থাম, থাম,” কোইনে রঅ ছাড়ের্ মাত্তর্ তা মানুচ্চুনে কনজনে পিজেদি ন-ফিত্তোন্।