যিশাইয় 59:10 - Chakma Bible

¹⁰ আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিশাইয় 59:10 Iomraidhean Croise

ইয়োব 5:14

দিনোত্‌ তারা উগুরে আন্ধার্‌ লামি এজে; দিবুজ্যে তারা রেদো ধোক্ক্যেন্ বিজিরে বিজিরে বেড়ায়।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

যিশাইয় 28:13

সেনত্তে তারা ইদু লগেপ্রভুর কধাগান্ অবদে, “ইয়েন্ গরঅ, উবোন্ গরঅ, এ সুদোমান্ মানঅ, উই সুদোমান্ মানঅ, ইয়োত্ আঘে, উবোত্ আঘে,” যেনে তারা যেইনে পিজেদি পড়ন্ আর আঘাত পেইনে ফালত্ ধরা পড়ন্।

যিশাইয় 8:14

সালে তে অবদে এক্কান পবিত্র আশ্রয়র জাগা, মাত্তর্ ইস্রায়েলীয়গুনোর্ দ্বিয়েন দেজত্তে তে এমন্ এক্কো পাত্তর্ অবঅ যেনে মান্‌জ্যে উজোত্ হান আর যিবে মান্‌জ্যর উজোত্ হেবার্ কারন ওই থায়। যিরূশালেম মানুচ্চুনোত্তে তে অবঅ এক্কো ফাল্ আর এক্কান্ জাল।

যিশাইয় 8:15

তারা ভিদিরে ভালোক্ জনে উজোত্ হেবাক্। তারা পড়ি যেইনে ভস্ত অবাক্; ফালত্ আক্‌সো যেইনে তারা ধরা পড়িবাক‌্।” ‍

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

আবিলেচ্ 3:6

যিগুনে ভালোক্ দিন আগে মুরি যেইয়োন তারা ধোক্ক্যেন্‌গুরি তে মরে আন্ধারত্ বজত্তি গোরেয়্যে।

আবিলেচ্ 4:14

সেনত্তে তারা কান্ মানুচ্চুনো ধোক্ক্যেন পধে পধে বিজিরে বিজিরে বেড়েয়োন্; তারা এদক্ লোলোই ফি-বলা ওইয়োন্ যে, কনজনে তারার্ কাবড়ানি ধুরিবাত্তে ন-চান।

যিহিষ্কেল 21:15

কাবি ফেলেবাত্তে তারার্ বেক্ গেট্‌‌‌‌‌‌‌‌‌‌তুনোত্ মুই লাম্বাছুরি বোজেয়োং আর যেনে তারার্ মনানি বেক্কানি গুলি যায় আর ভালোক্কুনে মুরি যান্। অয়, সেই লাম্বা ছুরিগানে কারেন ধোক্ক্যেন ঝিমিলায়; সিয়েনে কাবি ফেলেবাত্তে ধারা ওইয়্যে।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

দ্বি’লম্বর বিররণ 28:29

কান্‌ মান্‌জ্যে যেধোক্ক্যেনগুরি আন্ধারত্‌ বিজিরে বিজিরে বেড়ায় সেধোক্ক্যেন গুরিনে তুমি দিনোত্ বিজিরে বিজিরে বেড়েবা; তমার্‌ কনঅ কামত্‌ গম্‌ ন-অবঅ। তমা উগুরে আমিঝে অত্যেচার আর লুট চলিবো; সিয়েনত্তুন তমারে উদ্ধোর গুরিবাত্তে কনজনে উজেই ন-এবাক্।

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।