যিশাইয় 57:4 - Chakma Bible

⁴ তুমি কারে ঠাট্টা গরর্? কারে তুমি মুয়োন ভেঙর্ আর জিলান্ দেগর্? তুমি কি অন্যেয় গুরিয়্যেগুনোর্ বংশ আর মিজে কধা কোইয়্যেগুনোর পুয়ো নয়?

যিশাইয় 57:4 Iomraidhean Croise

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

গীতসংহিতা 22:13

শিগের্ তোগেবাত্তে সিংহগুনে যেধোক্ক্যেন্ গুজুরোন্, সেধোক্ক্যেন্ গুরি তারা মঅ বিরুদ্ধে মুয়োন্ আহ্ গোজ্যন্।

গীতসংহিতা 22:17

মর্ আড়ুন্ মুই গুণি পারং; সেই মানুচ্চুনে মরে আহ্ গুরি চেই রোইয়োন আর মন্দি চেই আগন্।

গীতসংহিতা 22:7

যিগুনে মরে রিনি চান্ তারা বেক্কুনে মরে ঠাট্টা গরন্। তারা মরে মু ভেঙান্, আর মাধাবো লাড়েইনে কন্,

গীতসংহিতা 35:21

মর্ বিরুদ্ধে তারা মুয়োন ভেঙেইনে কোইয়োন, “অয়, অয়, আমি নিজো চোগেদি দেখ্যেই।”

গীতসংহিতা 69:12

যিগুনে শঅরর্ গেদোত বোইনে তারা ভিদিরে মরে নিইনে কধা তুলোন্; মাত্তলুনে মরে নিইনে গীদ্ গান।

যাত্রা 9:17

তুই এজঅ মঅ মানুচ্চুনো বিরুদ্ধে নিজোরে অদে অদে রাগেয়োচ্‌ আর তারারে যেবাত্তে ন-দুয়োর্‌।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

যিশাইয় 30:1

লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যিশাইয় 48:8

তুমি সিয়েন ন-শুনো আর বুঝিয়ো ন-পারঅ; আগেত্তুন্ ধুরি তমা কানানি খুলো ন-অয়। তুমি যে কিবাবোত্যে বেঈমান সিয়েন মুই হবর্ পাং, জর্মত্তুন্ ধুরি তমারে উল্লোমী কুয়ো অয়।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 20:8

যেদকবার মুই কধা কং সেদকবার অমকদ খেতি গরানা আর ভস্ত অনার্ কধা রঅ ছাড়িনে ফগদাং গরং। সেনত্তে লগেপ্রভুর কধানিত্তে সারা দিন মত্তুন অগমান আর অমকদ ইংসে গরা অয়।

যিহিষ্কেল 2:4

যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

গণাণা 16:11

তুই আর তর্‌ দলর্‌ বেক্‌ মানুচ্চুনে লগেপ্রভুর বিপক্ষে দল পাগেয়ো। হারোণে যে কন্না, তুমি তার বিপক্ষে বক্‌বক্‌ গরর্‌?”

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

মথি লেখ্যে গম্ হবর্ 27:29

পরেদি তারা কাদা-লুদিলোই এক্কো মুকুট বানেইনে তা মাঢাবোত্ পিনেই দিলাক্, আর তা ডেন্ আঢত্ এক্কো লুদিক্ দিলাক্। সে পরেদি তা মুজুঙোত্ আঢু পাদিনে তারে তামাজা গুরিনে কলাক্, “যিহূদী-রাজ, জয় ওক্!”

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

প্রেরিত্‌ 9:4

তে মাদিত্ পড়ি গেলঅ আর শুনিলো কন্না যেন তারে কত্তে, “শৌল, শৌল, কিত্ত্যে তুই মঅ উগুরে অত্যেচার্ গরর্?”

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

কলসীয় 3:6

যিগুনে গোজেনর্ অবাধ্য তারা উগুরে ইয়েনি বেক্কানির্ কারনে গোজেনর্ সাজা লামি এজের্।

যিহোশূয় 10:21

ইয়েনর্ পরেন্দি ইস্রায়েলীয়গুনোর সৈন্যগুনে বেক্কুনে মক্কেদার তাম্বুলোত্‌ দোলেডালে যিহোশূয়র ইদু ফিরি গেলাক্‌। ইস্রায়েলীয়গুনোর বিরুদ্ধে কনজনে কনঅ‌ কধা কবার্‌ সাহস ন-পেলঅ‌।

২ পিতর 2:13

তারার্ ভান্ন্যেই কামর্ পাওনা ইজেবে তারা দুঘোত্ ভুগিবাক্। এই মানুচ্চুনে দিনোত্ হেবার অক্তত্ রঅ ছাড়ি ছাড়ি মদ খাদে হুজী অন। যেক্কে তারা তমা সমারে হেবাত্যে বজন্ সেক্কে রঅ ছাড়ি ছাড়ি মদ খাদে খাদে তারার্ কামনায় তারা সেই হানা-দানা সমারে লাজানা আর অসর্মানান্ আনন্।