যিশাইয় 57:2 - Chakma Bible

² যিগুনে গম্ পধেদি চলদন্ তারা সুগ্-শান্দি পেবাক্; তারা মুরিনে মুরি জিরেন্ পেবাক্।

যিশাইয় 57:2 Iomraidhean Croise

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

২ বংশধর 16:14

নানান বাবোত্যে মজলা আর মিজেয়্যে তুম্বাজ্‌ জিনিজ্‌সোই ভোজ্যে খাট্‌তানত্‌ মানুচ্চুনে তারে পোড়েলাক্‌ আর দায়ূদ-শঅরত্‌ তে নিজোত্তে যে গোরান্‌ ঠিগ্‌ গুরি রাগেয়্যে তারা সিয়েনত্‌ তারে গোর্ দিলাক্‌। মানুচ্চুনে তার্‌ সর্মানত্তে বড়্‌ এক্কান্‌ আগুন জ্বালেলাক্‌।

ইয়োব 3:17

সিদু দঅ শদান মানুচ্চুনে ভেজাল্‌ ন-গরন্‌, আর বল্‌পোজ্যে মানুচ্চুনে জিরেন্‌ পান্‌।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিশাইয় 14:18

“জাদ্‌তুনোর বেক্ রাজাগুনে সর্মান সমারে যার্ যার্ গোরত্ পু‌‌‌ড়ি আগন্।

যিশাইয় 26:7

গোজেনভক্ত মানুচ্চুনোর পথ্‌তান্ সং থায়; ও ন্যায়বলা, তুই গোজেন ভক্তগুনোর্ পথ্‌তানি সং গুরি থাচ্।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যিহিষ্কেল 32:25

মোজ্যেদে মানুচ্চুনো ভিদিরে এলমর্ বিচ্চোনান্ পাদা ওইয়্যে; তা গোরানর্ চেরোকিত্তে তা সমারে রোইয়্যেদে তার বেক্ মানুচ্চুন। এই বেক্ সুন্নত্ ন-গোজ্যে মানুচ্চুনোরে যুদ্ধোত্ মারে ফেলা ওইয়্যে। জেদাগুনোর্ দেজত্ তারা দর্‌‌বুক লাগেয়োন, মাত্তর্ যিগুনে মরণ জাগাত্ লামি যেইয়োন তারা সমারে এ মানুচ্চুনে অসর্মান পেইয়োন; মোজ্যন্দে মানুচ্চুনো ভিদিরে তারারে থুয়ো ওইয়্যে।

দানিয়েল 12:13

“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্‌কালত্ তুই তঅ বক্‌‌‌‌‌‌‌‌শিজচান পেবাত্তে বাঁজি উদিবে।”

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 16:22

“একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।

লূকে লেখ্যে গম্ হবর্ 2:29

“প্রভু, তুই তর্ কধা মজিম্ তঅ চাগর্‌বোরে ইক্কিনে সুগে শান্দিয়্যে বিদেয় দুয়োর্,

লূকে লেখ্যে গম্ হবর্ 7:50

যীশু সেক্কে সেই মিলেবোরে কলঅ, “তুই বিশ্বেজ্ গোজ্যস্ বিলি পাপত্তুন্ উদ্ধোর্ পেইয়োচ্। সুগে-শান্দিয়্যে যাহ্।”

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”