যিশাইয় 57:16 - Chakma Bible

¹⁶ মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিশাইয় 57:16 Iomraidhean Croise

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

২ শমূয়েল 24:16

যিরূশালেমান ভস্ত গুরিবাত্তে স্বর্গদূত্তো যেক্কে আঢ্‌তান্‌ বাড়েল সেক্কে লগেপ্রভু সে জদবদে সাজা দেনাত্তুন মনান্‌ ফিরেল। যে স্বর্গদূত্তো মানুচ্চুনোরে ভস্ত গোজ্যে তে তারে কলদে, “থোক্‌, যদেষ্ট ওইয়্যে। তঅ আঢ্‌তান্‌ বুদি নেযা।” সে অক্তত্‌ লগেপ্রভুর দূত্তো যিবূষীর অরৌণার খামার ইদু এলঅ।

ইয়োব 12:10

তা আধত্‌ বেক্‌ পরাণবলাগুনোর্‌ জীংকানিগানি আঘে; বেক্‌ মানুচ্চুনোর্‌ নিজেস্‌ছুনো তা আধত্‌ আঘে।

গীতসংহিতা 85:5

উমরত্যে কি তুই আমা উগুরে তর্ রাগ্‌কান অদে অদে রাগেবে? বংশর পর বংশ ধুরি কি তুই জদবদে গুরি বেজার্ ওই থেবে?

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 3:5

তুই কি নিত্য রাগ গুরি থেবে? তর্ রাগ্‌‌‌‌‌‌‍কান কি জিংকানিবর্ অদে অদে মনত্ থবে‍?’ তুই দঅ এবাবোত্যেগুরি কধা কচ্, মাত্তর্ তঅ তপ্পে যেত্তমান ভান্ন্যেই কাম্ গুরিবার সম্ভব তুই সেত্তমান গোজ্যস্।”

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?