যিশাইয় 57:15 - Chakma Bible

¹⁵ যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 57:15 Iomraidhean Croise

পত্থম 21:33

অব্রাহাম বের্‌-শেবাত্ লগেপ্রভুরে, অত্তাৎ যিবের আরাম্ভ আর থুম্ নেই সে গোজেনরে তা যগাজ্যে সর্মান্‌ দিলাক্। তে সিয়েনত্‌ এক্কো ঝাউ গাজ্‌ লাগেল।

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

ইয়োব 22:29

যেক্কেনে তরে চিগোন্‌ গরা অবঅ সেক্কেনে তুই কবেদে, ‘মঅ বার্‌‌বোগানত্তে সিয়েন্‌ ওইয়্যে’ তর্‌ নম্রগানত্তে গোজেনে তরে উদ্ধোর্‌ গুরিবো।

ইয়োব 6:10

সালে মর্‌ এ সান্তনাগান্‌ থেবঅ‌, অমকদ যন্ত্রণার্‌ ভিদিরেয়ো মর্‌ এই হুজিগান্‌ থেবঅ‌, সেই সুদ্ধো-সাংগ মানুচ্চোর কধাগান্‌ মুই অস্বীগের্‌ ন-গরং।

গীতসংহিতা 111:9

তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 123:1

তুই স্বর্গর সিংহাসনত্ আগচ্; মুই তন্দি রিনি চাং।

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 138:7

যেক্কেনে মুই দজাত্ পরং সেক্কেনে তুই মঅ পরাণান্ রোক্ক্যে গরচ্; তঅ আঢ্‌তান বাবেইনে তুই মঅ শত্রুগুনো রাগ্‌কানি কমেই দে, আর তর্ ডেন্ আঢ্‌তানে মরে উদ্ধোর্ গরে।

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 34:18

যিগুনোর মনানি ভাঙি যেয়েগোই লগেপ্রভু তারা ইদু থায়; যিগুনোর মনানি ভাঙি যেয়েগোই তে তারারে উদ্ধোর্ গরে।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

গীতসংহিতা 51:19

সালে যগাজ্যে মনভাব্‌পোই গোজ্যে উৎসর্বর অনুষ্ঠানত্, পুজ্যে-উৎসর্ব আর শেজন্দি পুজ্যে-উৎসর্বত্ তুই হুজি অবে, আর তর্ পুজোবো উগুরে মান্‌জ্যে বলদ্ গোরু উৎসর্ব গুরিবাক্।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

গীতসংহিতা 90:2

যেক্কেনে মুড়ো-মুড়ির সিরিষ্টি ন-অয়, দুনিয়ে আর পিত্‌থিমীর সিরিষ্টি ন-অয়, সিয়েনির আগেত্তুন্ ধুরি উমর সং তুয়ই গোজেন।

গীতসংহিতা 93:2

পৌইল্যাত্তুন্ ধুরি তর্ সিংহাসনান্ দরমর; তুই উমরত্যে আগচ্।

গীতসংহিতা 97:9

ও লগেপ্রভু, তুই বেক দুনিয়েগানর দাঙর্ গোজেন; বেক দেবেদাগুনোত্তুন্ ভালোদ্দুর্ উগুরে তর্ জাগায়ান।

গীতসংহিতা 99:3

সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যাত্রা 15:13

তর্‌ অমহদ কোচ্‌পানায়্‌ তুই‌ যিগুনোরে ছাড়েই আনিলে তারারে তুয়ই চালেই নেযেবে। তর্‌ নিজোর্‌ বল্লোই‌ তর্‌ পবিত্র ঘরত্‌ তুই তারারে চালেই আনিবে।

যাত্রা 15:18

ও লগেপ্রভু, যুগে যুগে তুয়ই‌ রাজগিরি গুরিবে।”

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 40:35

থেবার-তাম্বুলান, অত্তাৎ মিলন-তাম্বুলান্‌ মেঘে ঢাক্ক্যা আর লগেপ্রভুর্‌ মহিমায় ভোজ্যে এলঅ‌ বিলিনে মোশি সিয়োত্‌ চোমেই ন-পারিলো।

গম্ উপদেজ্ 16:19

বাড়্‌বোগুনো সমারে লুদেয়্যে পযাপিরানি ভাগ গুরি নেযানাত্তুন্ নম্র মনভাবপোই অত্যেচারীগুনো লগে থানা বোউত্ গম্।

গম্ উপদেজ্ 8:23

সেই পৌইল্যাত্তুন্ ধুরি, পিত্‌থিমী সিরিস্টির আগেত্তুন্ ধুরি, বেগ আগেত্তুন্ ধুরি মরে নেযা ওইয়্যে।

যিশাইয় 18:4

লগেপ্রভু মরে কোইয়্যেদে, “তেল্‌তেল্যে আগাজত্ রোদো তেজ ধোক্ক্যেন্, হরান্যেত্ খেত্-খেত্তি কাবিবার অক্তত্ খুয়ো মেঘ ধোক্ক্যেন্ মুই জুরো গুরিনে মঅ থেবার জাগানত্তুন্ চেই থেম্।”

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 40:28

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

যিশাইয় 52:13

লগেপ্রভু কত্তে, “চাহ্, মঅ চাগর্‌বো সফল অবঅ। তারে অজলত্ তুলো অবঅ আর তে বাঈনী আর সন্মান পেবঅ। ‌‌

যিশাইয় 6:1

যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

আবিলেচ্ 3:41

এজঅ, আমি আমা মনানি আর আঢ্‌তানি স্বর্গত্ গোজেন ইন্দি তুলিই আর কোই,

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

দানিয়েল 2:11

মহারাজে যিয়েন চার্ সিয়েন গরানা অমকদ আগাত্যে। দেবেদাগুনে বাদে আর কনজনে ইয়েন মহারাজ ইধু ফগদাং গুরি ন-পারিবাক্, আর তারা দঅ মান্‌‌জ্য ভিদিরে বজত্তি ন-গরন।”

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

লূকে লেখ্যে গম্ হবর্ 1:49

কিয়া খেমতাবলা গোজেনে মত্তে কত্তমান্ গম্ কাম্ গোজ্যে। তে পবিত্র।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

প্রেরিত্‌ 3:14

তুমি সেই পবিত্র আর ন্যায়বলা মানুচ্চোরে অস্বীগের্ গুরিনে এক্কো খুনীরে তমা ইধু ইরি দিবাত্তে কোইয়ো।

রোমীয় 1:20

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

২ করিন্হীয় 1:4

আমার্ বেক্‌ দুঘোত্ তে সান্তনা দান গরে, যেন তাত্তুন্ পেইয়্যে সান্তনা আমি অন্যগুনোর্ দুঘোত্অ দি পারিই।

২ করিন্হীয় 2:7

তুমি বরং ইক্কিনে তারে ক্ষেমা গরঅ আর সান্তনা দুয়ো, যেন অমকদ দুঘোত্ তে আজা ন-আরায়।

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।