যিশাইয় 57:12 - Chakma Bible

¹² তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিশাইয় 57:12 Iomraidhean Croise

যিশাইয় 29:15

অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

যিশাইয় 44:9

যিগুনে খোদাই গোজ্যে মূত্তি বানান্ তারা অপদাত্ত; তারার্ এই দামী জিনিস্‌ছানি উপকারী নয়। সেই মূত্তিগুনোর্ তপ্পে ওইনে যিগুনে কধা কন্ তারা চোগ্ কান্‌, কিচ্চু হবর্ ন-পান্; সেনত্তে তারা লাজত্ পড়িবাক্।‌

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিশাইয় 64:5

যিগুনে গোজেনর আওজ্ মজিম কাম গুরিবাত্তে গম্ পান আর তরে ইদোত্ গুরিনে তঅ পধেদি চলন্ তারারে সাহায্য গুরিবাত্তে তুই এই থাচ্; মাত্তর্ আমি পাপ গোজ্যেই আর ভালোক্ দিন ধুরিনে সেই অবস্থাত্ আগিই বিলিনে তুই আমা উগুরে অমদক রাগ গুরি আগচ্। সালে আমি কেধোক্ক্যেন গুরি উদ্ধোর্ পেবং?

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 51:18

তারা অগুণোর্, ঈচ্ গুরিবার জিনিস্; বিচেরর্ সময় আজলে সিগুন ভস্ত ওই যেবাক্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।