যিশাইয় 57:11 - Chakma Bible

¹¹ “কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিশাইয় 57:11 Iomraidhean Croise

গীতসংহিতা 50:21

ইয়েনি তুই গোজ্যস্, মাত্তর্ মুই মুয়োন ন-খুলোং; তুই মনে গোজ্যস্‌চে মুই তঅ ধোক্ক্যেন এক্কো, মাত্তর্ মুই তর্ দুষ্‌ছান দেগেই দিম আর তর্ বেক্কানি তর্ চোগোর মুজুঙোত্ এক্কান এক্কান গুরি তুলি ধুরিম।

গীতসংহিতা 78:36

মাত্তর্ তারা সেক্কেনে মুয়োন্দি ছলনা গুরিলাক্, জিল্লোই তাইদু মিজে কধা কলাক্।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 42:14

মুই লগেপ্রভু ভালোক্ দিন জুরো গুরি এলুং; মুই শান্ত থেইনে নিজোরে দোঙেই রাগেয়োং। মাত্তর্ ইক্কিনি পুয়ো পুদেয়্যে মিলে ধোক্ক্যেন মুই রঅ ছাড়ঙর্, নিজেস্ ফেলাঙর্ আর ফবাঙর্।

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 47:7

তুই কোইয়োচ্চে, মুই জিংকানিবর্ রাণী থেম্। মাত্তর্ তুই এ পৌইদ্যেনে চিদেয়ো ন-গরচ্, বা ইয়েনর শেজ্ ফলান কি সিয়েন্অ ভাবি ন-চাজ্।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 3:21

এড়েইয়্যে মুড়োগুনো উগুরে ইস্রায়েলীয়গুনোর কানানি আর কোজোলি গরানার রঅ শুনো যার্, কিত্তে তারা পথ্‌তান তারা বেঙা গোজ্যন আর তারার গোজেন লগেপ্রভুরে তারা ভুলি যেইয়োন।‌‍

যিরমিয় 38:19

রাজা সিদিকিয় সেক্কে যিরমিয়রে কলঅ, “যিদুক্কুন যিহূদী বাবিলীয়গুনো ইধু যেইয়োন মুই তারারে দরাং, কিত্তে বাবিলীয় অয়ত মরে তারা আঢত্ তুলি দিবাক্ আর তারা মঅ লগে ভান্ন্যেই বেবহার গুরিবাক্।”

যিরমিয় 41:18

তারা বাবিলীয়গুনোর দরে যিহূদাত্তুন্ ধেই যাদন, কিত্তে ইশ্মায়েলে বাবিল রাজার বানেয়্যে শাজন্‌গুরিয়্যে গদলিয়রে মারে ফেলেয়্যে।

যিরমিয় 42:20

তুমি অমকদ ভুল গুরিবাত্তে যর্। তুমি মরে তমা গোজেন লগেপ্রভু ইধু ইয়েন কোইনে পাদেয়ো, ‘তুই আমাত্তে আমা গোজেন লগেপ্রভু ইধু তবনা গর্; তে যিয়েনি কবঅ সিয়নি বেক্কানি তুই আমারে কবে আর আমি সিয়েনি গুরিবোং।’

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

হোশেয় 11:12

লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।

মথি লেখ্যে গম্ হবর্ 25:25

ইয়েনত্তে মুই দরে বারেদি যেইনে মাদিত্ তঅ টেঙাগুন্ লুগেই রাগেয়োং। এইয়্যে চাহ্, তঅ জিনিস্‌‌‌‌চুন তরই আঘে।

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

২ থিষলনীকীয় 2:9

সেই অবাধ্যবলা মরদ্‌‌তো যেক্কে এবঅ সেক্কে তা সমারে থেবঅ শদানর্ খেমতা। সেই খেমতাগান ফগদাং পেবঅ নানান্ বাবোত্যে মিজে চিহ্নোলোই, আমক্ অবার্ কাম আর খেমতাবলা কাম ভিদিরে,

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।