যিশাইয় 55:8 - Chakma Bible

⁸ লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

যিশাইয় 55:8 Iomraidhean Croise

২ শমূয়েল 7:19

ও প্রভু লগেপ্রভু, ইয়েন তঅ চোগোত্‌ যদবদে ন-অয়; ইয়েনর্ লগে তঅ চাগরর্‌ বংশর আগাম্ কধানিয়ো তুই কোইয়োচ্‌। ও প্রভু লগেপ্রভু, ইয়েনই যেনে মান্‌জ্যত্তে তর্‌ সুদোম অয়।

২ রাজাবলী 5:11

মাত্তর্‌ নামানে অমকদ রাগ গুরিনে সিয়োত্তুন্‌ আঢি গেলগোই আর কলঅ, “মুই মনে গোজ্যংগে তে হামাক্কাই নিগিলি এইনে মইদু এবঅ আর থিয়্যেইনে তার্‌ গোজেন লগেপ্রভুরে ডাগিবো আর ফারাঙিগানর্‌ উগুরে তা আঢ্‌তান্‌ বাজেইনে মর্‌ ফারাঙিগান্‌ গম্‌ গুরি দিবো।

ইয়োব 35:5

আগাজ ইন্দি একপল্লা রিনি চাহ্; চাহ্, মেঘকান কদক্ উগুরে আঘে।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

গীতসংহিতা 33:11

মাত্তর্ লগেপ্রভুর সল্লাগানি উমরত্তে টিগি থায়; তা মনান্ যুগে যুগে থিদেবর্ থায়।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 92:5

ও লগেপ্রভু, তর্ বেক কামানি কেজান্ দোল্ আর তর্ চিন্তেগান কত্তমান্ গভিন!

গম্ উপদেজ্ 21:8

দুষি মান্‌জ্যর জিংকানির-পথ্‌তান বেঙা-কঙা, মাত্তর্ খাটি মান্‌জ্যে গমেডালে কাম গরন্।

গম্ উপদেজ্ 25:3

আগাজ্‌‍ছান যেধোক্ক্যেন অজল্ আর পিত্‌‍থিমীগান গভিন্, সেধোক্ক্যেন্ রাজাগুনোর রিবেঙানি তোগেইনে ন-পায়।

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিহিষ্কেল 18:29

তো তুমি কত্তে, প্রভুর পথ্‌তান ঠিগ্ নয়। ও ইস্রায়েলীয়গুন, মঅ পথ্‌তান কি অন্যেয়র্? অন্যেয়র পথ্‌তান দঅ তমার।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”