যিশাইয় 55:7 - Chakma Bible

⁷ পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 55:7 Iomraidhean Croise

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 15:4

মাত্তর্‌ তারার্‌ দুঘোর্ দিনোত্‌ তারা ইস্রায়েলর গোজেন লগেপ্রভুর ইন্দি ফিরিনে তা আওজ্‌চান্ জানিবাত্তে চেইয়োন্‌ আর সিয়েন্‌ জানিয়ো পাজ্যন্‌।

২ বংশধর 30:6

রাজার উগুমে রাজা আর তার্‌ কামগুরিয়্যেগুনো ইত্তুন্‌ চিদি নেযেইনে মানুচ্চুনে ইস্রায়েল আর যিহূদার বেক্‌ জাগানিত্‌ যেইনে এ কধাগান ফগদাঙ্‌ গুরিলাক্‌, ও ইস্রায়েলীয়গুন, তুমি অব্রাহাম, ইসহাক আর ইস্রায়েলর গোজেন লগেপ্রভু ইদু ফিরি এজঅ, সেক্কে যিগুনে আসিরিয়ার রাজা আঢত্তুন্‌ রোক্ষ্যে পেইয়োন্‌ তারা ইদু, অত্তাৎ তমা ইদু তেয়ো ফিরি এবঅ।

২ বংশধর 33:13

এধোক্ক্যেন গুরিনে তবনা গুরিলে লগেপ্রভুর মনান্‌ নরম্‌ অলঅ আর তা কোজোলিগান্‌ শুনিনে তে তারে যিরূশালেমত্‌ আর তার্‌ রেজ্যত্‌ ফিরেই আনিলো। সেক্কে মনঃশি বুঝি পারিলোদে, লগেপ্রভুই গোজেন।

২ বংশধর 7:14

সেক্কে মঅ মানুচ্চুনে, যিগুনোরে মর্‌ মানুচ্‌ বিলিনে ডাগন্‌ তারা যুনি নম্র ওইনে তবনা গরন্‌ আর মর্‌ মেইয়্যে চান্‌ আর ভান্ন্যেই পধত্তুন্‌ ফিরোন্‌, সালে স্বর্গত্তুন্‌ সিয়েনি শুনিনে মুই তারার্‌ পাপ্পানি খেমা গুরিম্‌ আর তারার্‌ দেজ অবস্থাগান্‌ ফিরেই দিম্‌।

ইয়োব 22:23

যুনি তুই বেগত্তুন্‌ খেমতাবলা গোজেন ইদু ফিরি যাজ্‌, সালে তরে আরঅ আগঅ অবস্থাত্‌ ফিরেই নেযা পুরিবো। যুনি তঅ তাম্বুলোত্তুন্‌ শদানানি দূর্‌ গরজ্‌,

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 66:18

মঅ মনত্ যুনি মুই কুজুরোমিগান পুজিদুং সালে মঅ কধাগান প্রভু ন-শুনিদো।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 21:12

চুগিদার্‌বো জোব্ দিলো, “বেন্যেমাদান পহ্‌‌র ওই এজের্, মাত্তর্ সে পরেদি রেদ্‌‌অ এজের্। যুনি আরঅ পুজোর্ গুরিবার চাজ্ সালে ফিরি এইনে আরঅ পুজোর্ গর্।”

যিশাইয় 31:6

ও ইস্রায়েলীয়গুন্, তুমি যিবের্ বিরুদ্ধে এদক্ উল্লোমী গোজ্য তাইদু ফিরি এজঅ,

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিশাইয় 54:8

রাগে কানক্কনত্তে তত্তুন্ মুই মুয়োন ফিরেয়োং, মাত্তর্ উমর কোচ্‌পানালোই মুই তঅ উগুরে মেয়্যে গুরিম। মুই তর্ উদ্ধোর গুরিয়্যে লগেপ্রভু এ কধাগান কঙর্। ‍

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

আবিলেচ্ 3:40

এজঅ, আমি আমার জিংকানির্-পথ্‌‌‌তানি পোরোক্ষে গুরিই আর যাচাই গুরিই আর লগেপ্রভু ইধু ফিরি যেই।

যিহিষ্কেল 14:6

সেনত্তে তুই তারারে কঅ, প্রভু লগেপ্রভু কোইয়্যেদে, তুমি মন ফিরো। তমা মূত্তিগুনোত্তুন্ ফিরো আর বেক্ জঘন্য কামানি ছাড়।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

যোনা 3:10

তারা যিয়েন গোজ্যন্ আর কেধোক্ক্যেন গুরি তারার্ ভান্ন্যেই পদত্তুন্ ফিজ্যন্ সিয়েন যেক্কে গোজেনে দেগিলো সেক্কে তে তার্ মনান্ ফিরেল। তে যে অমংগল গুরিবো কোইয়্যে সিয়েন ন-গুরিলো।

সখরিয় 8:17

তুমি কারঅ বিরুদ্ধে কুজুরোমী ন-গুরিবা আর মিজে সাক্ষি ন-দিবা। মুই লগেপ্রভু ইয়েনি বেক্কানি ঈচ্ গরং।”

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

মার্ক 7:21

কিয়া মান্‌জ্য ভিদিরে, অত্তাৎ মনত্তুন্ ভান্ন্যেই চিন্তে, নানান্ বাবোত্যে বেভিচের্, চুর্, খুন,

মার্ক 7:23

এই বেক্ ভান্ন্যেয়ানি মান্‌জ্য ভিদিরেত্তুনই নিগিলি এজে আর মান্‌জ্যরে অসিজি গরে।”

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 15:24

কিয়া মর্ এ পুয়োবো মুরি যেয়্যে মাত্তর্ আরঅ জেদা ওইয়্যে; আঝি যেইনে পাহ্ যেইয়্যে। সে পরেদি তারা ফুত্তি গরা ধল্ল্যাক্।

লূকে লেখ্যে গম্ হবর্ 7:47

সেনত্তে মুই তরে কঙর্, তে বেশ্ কোচ্‌পানা দেগেয়্যে বিলি বুঝো যাত্তে, তার্ পাপ বেশ্ অলেয়ো সিয়েনি খেমা গরা ওইয়্যে। যিবের্ থরা খেমা গরা অয় তে থরা কোচ্‌পানা দেগায়।”

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

যাকোব 1:15

সে পরেদি কামনা পুরেলে পরেদি পাপর জর্ম অয়, আর পাপ বেশ্ অলে পরেদি মরণর্ জর্ম অয়।