যিশাইয় 55:12 - Chakma Bible

¹² তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিশাইয় 55:12 Iomraidhean Croise

গীতসংহিতা 105:43

হুজি আর রঙ্গ-ফুত্তি গীদোর্ সমারে তার বেঈ লোইয়্যে মানুচ্চুনোরে তে নিগিলেই আনিলো।

গীতসংহিতা 47:1

ও বেক্ জাদ্‌তুন, তুমি আঢতালি দুয়ো; গোজেনর নাঙে হুজিয়ে রঅ ছাড়।

গীতসংহিতা 65:12

সিয়েন ঝুড়ি পড়েদে য়েমান চোড়েবার মাদত্; মুড়োগুনোত্ যেন হুজির পোজাগ্ আঘে।

গীতসংহিতা 65:13

পত্তি খলা ভেড়া পাল্লোই ভরি আগন, আর সোজ্য খেত্‌তোই যেন কিজিঙানি ঢাক্যে আঘে; সিয়েনিয়ে হুজিয়ে রঅ ছাড়ের আর গান গার্।

গীতসংহিতা 69:34

দেবাবো আর পিত্‌থিমীগানে তারে নাং গিনোদোক্; দোজ্যে সাগর আর সাগর ভিদিরে ঘুরি বেড়েয়্যে বেক্ প্রাণিগুন তারে নাং গিনোদোক্;

যিশাইয় 14:8

এমন্ কি, বেরস আর লেবাননর্ এরস গাজ্‌‌ছোয়ো হুজিয়ে বাবিলোর রাজারে কত্তে, ইক্কিনে তরে মাদিত্ ফেলেই দিয়্যে ওইয়্যে বিলিনে কনঅ দার্‌‌‌বো কাবিয়্যে আর আমারে কাবিবাত্তে ন-এজন্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

যিহিষ্কেল 17:24

ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 5:1

বিশ্বেজর্ মাধ্যমে আমারে নিদ্দুজি বিলি মানি লুয়ো ওইয়্যে আর সিয়েনত্তে প্রভু যীশু খ্রীষ্টর্ মাধ্যমে গোজেন ইধু আর আমা ইধু শান্তি ওইয়্যে।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,