যিশাইয় 55:11 - Chakma Bible

¹¹ ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিশাইয় 55:11 Iomraidhean Croise

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 54:9

“মইদু ইয়েন নোহর দিনুনো ধোক্ক্যেন লাগের্। মুই যেবাবোত্যে শমক্ হেইয়োং, নোহ সময়োত্ পানি ধোক্ক্যেন পানি আর কনদিন্অ পিত্‌থিমীগান নাঢি ন-ফেলেব, সেবাবোত্যেগুরি এ শমক্তান্ গোজ্যং, তঅ উগুরে রাগ্ ন-গুরিম, তরে আর কনদিন্অ গেইল্ ন-দিম। ‍‌

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিরমিয় 1:11

সে পরেদি লগেপ্রভু মরে কলদে, “যিরমিয়, তুই কি দেগর্?” জোবত্ মুই কলুং, “মুই বাদাম গাজর্ এক্কো ডেলা দেগঙর্।”

যিরমিয় 1:12

লগেপ্রভু মরে কলদে, “তুই ঠিগই দেখ্যচ্, কিত্তে মঅ কধানি যেনে ফলে সিয়েনি মুই খিয়েল রাগেয়োং।”

যিরমিয় 1:13

আরঅ লগেপ্রভু কলদে, “তুই কি দেগর্?” মুই কলুং, “মুই উত্তোরেত্তুন্ দোগিনেদি পড়ি থেইয়্যে এক্কো পিলে দেগঙর্ যিবে ভিদিরে কিজু ফুট্যে।”

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 25:13

মুই সে দেজ্‌‌চানি বিরুদ্ধে যেদক্কানি কধা কোইয়োং যিয়েনি এ বোইবোত্ লেগা আঘে, অত্তাৎ বেক্ জাদ্‌তুনো বিরুদ্ধে যিরমিয় ভাববাদী ইজেবে যে কধানি কোইয়্যে সিয়েনি মুই সেই দেজ উগুরে আনিম।

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

আমোষ 6:11

যেক্কে লগেপ্রভু উগুম দিবো সেক্কে দাঙর্ দাঙর্ ঘরানি আর চিগোন্ চিগোন ঘরানি কট্টা কট্টা গরা অবঅ।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

রোমীয় 10:17

সালে দেগা যায়, গোজেনর্ কধানি শুনোনার্ পরেদি বিশ্বেজ্ এজে, আর যীশু খ্রীষ্ট পৌইদ্যেনে প্রচারর্ মাধ্যমে সেই কধানি শুনিবাত্তে পাহ্ যায়।

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

ইব্রীয় 6:7

যে মাদিগানে বার্ বার্ ঝরর্ পানি চুজি লোইনে আল্ল্যাগুনোর দরকারী শাক্-পাদ্‌তানি জর্মায় সেই মাদিগান গোজেনত্তুন্ বর্ পায়।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।