যিশাইয় 55:10 - Chakma Bible

¹⁰ ঝড় আর তুষারানি আগাজত্তুন্ লামি এজে আর পিত্‌থিমীগানরে পানি দান ন-গুরিনে সিদু ফিরি ন-যায়, বরং সিয়েনত্ ফুল আর গুলোগুলি ধরায় আর যে বীজ্ ফেলায় তাত্তে শোজ্য আর যে হায় তাত্তে হানা দান গরে।‍‌‌‍‍‍‍‍‍

যিশাইয় 55:10 Iomraidhean Croise

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিহিষ্কেল 34:26

মুই তারারে বর্ দিম আর মর্ মুড়োগুনোর্ চেরোকিত্তে জাগানিরে বর্ দিম। মুই ঠিগ্ সময়োত্ ঝড়্ পাদেম; সিয়েন অবঅ বর্ পানার্ ঝড়।

হোশেয় 10:12

তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

হোশেয় 2:21

“মুই লগেপ্রভু কঙর্, সেদিন্যে মুই তমারে সাড়া দিম। মুই আগাজ্‌‌‌‌‌চানরে উগুম দিম; আগাজ্‌‌‌‌‌চানে পিত্‌‌‌‌‌থিমীগানরে ঝড় দিবো;

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।

ফগদাং পেইয়্যে 11:6

এ মানুচ্চুনে যেদক বিলোন ভাববাদী ইজেবে কধা কবাক্ সেদক বিলোন যেন ঝড় ন-অয় সেনত্যে আগাজ্‌চান নাঢি দিবার খেমতা তারার্ থেবঅ। পানিগানরে লো বানেবার আর যেদকবার আওজ্ সেদকবার যে কনঅ আঘাত্‌তোই পিত্‌থিমীগানরে ক্ষোতি গুরিবার খেমতায়ো তারার্ থেবঅ।

১ শমূয়েল 23:4

সেক্কে দায়ূদে আরঅ লগেপ্রভুররে পুযোর্‌ গুরিলো আহ্‌ লগেপ্রভু জোবত্‌ তারে কলঅ, “তুই কিয়ীলাদত্‌ যাহ্, মুই তর্‌ আঢত্‌ পলেষ্টীয়গুনোরে তুলি দিম।”