যিশাইয় 54:3 - Chakma Bible

³ কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।

যিশাইয় 54:3 Iomraidhean Croise

পত্থম 26:22

সিয়েন পরেদি ইস্‌হাকে সিয়েনত্তুন্‌ সুরি যেইনে আর এক্কো কূয়ো খুড়িলো। মাত্তর্‌ এবেরা পলেষ্টীয়গুনে সিবেলোই কনঅ কোল্‌-কোজ্যে ন-বাজেলাক। ইস্‌হাকে সে কূয়োবো নাঙান্‌ রাগেল রহোবোৎ (যিয়েনর্ ভেদতান্ “বোউত্‌ জাগা”)। তে কলঅ, “বেগঅ যেরেন্দি লগেপ্রভু আমারে জাগায়ান দিলো যেনে আমি ইয়েনত্ জনেদি বাড়ি উদি পারিই।”

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 26:15

ও লগেপ্রভু, তুই এ জাদ্‌তোরে দাঙর্ গোজ্যস্; এ জাদ্‌তোরে দাঙর্ গুরিনে তুই বাঈনী পেইয়োচ্; তুই দেজর্ বেক দুযিগান্ বাবেই দুয়োচ্।

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

রোমীয় 11:12

সালে দেগা যায়, যিহূদীগুনোর পাপর্ কারনে জগদ মানুচ্চুনোর্ বোউত্ লাভ অলঅ, অয়, তারার ক্ষতির্ কারনে অযিহূদীগুনোর্ বোউত্ লাভ অলঅ। সেনত্যে যিহূদীগুনো উগুরে গোজেনর্ পুরো আশিদ্‌বাদ্‌তান যেলক্কে লামি এবঅ, সেলক্কে তা সমারে আরঅ কত্তমান বেচ্‌ আশিদ্‌বাদ এবঅ।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।