যিশাইয় 53:7 - Chakma Bible

⁷ তে অত্যেচারিত অলঅ আর দুঘ্ পেলঅ, মাত্তর্ তো তে মুয়োন্ ন-খুলিলো; কাবি ফেল্যে ভেড়া ছঅ ধোক্ক্যেন, কেশ্ উগুরেয়্যেগুনো মুজুঙোত্ জুরো গুরি থেইয়্যে পাদি ভেড়া ধোক্ক্যেন তে মুয়োন্ ন-খুলিলো।

যিশাইয় 53:7 Iomraidhean Croise

গীতসংহিতা 38:14

যে ন-শুনে আর যিবের মুয়োত্ কনঅ আবিত্তি নেই, মুই তা ধোক্ক্যেন্ ওইয়োং।

গীতসংহিতা 38:15

ও লগেপ্রভু, মুই তইন্দি চেই আগং; ও প্রভু, মর্ গোজেন, মর্ জোব্‌‌পান তুয়ই দিবে;

গীতসংহিতা 44:22

মাত্তর্ তো তত্তেই আমিঝে আমাত্তুন কেও কাররে মারে ফেলা অর্। ডালি দিয়্যে ভেড়া ধোক্ক্যেন মান্‌‌জ্যে আমারে মনে গরন্।

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

গণাণা 7:27

পূজ্যে-উৎসর্বত্তে এক্কো বলদ গোরু, এক্কো ভেড়াছাগল, এক্কো এক বোজোজ্যে ভেড়াছাগলর-ছঅ;

মথি লেখ্যে গম্ হবর্ 26:63

মাত্তর্ যীশু অলর্ গুরি থেলঅ। দাঙর্ ধর্মগুরুবো আরঅ তারে কলঅ, “তুই জেদা গোজেনর্ নাঙে শমক্ হেইনে আমারে কঅ, তুই কি সেই মশীহ, অত্তাৎ গোজেনর্ পুয়ো না হি।”

মার্ক 14:61

মাত্তর্ যীশু অলর্ গুরি থেলঅ আর এক্কান কধায়ো ন-কলঅ। দাঙর্ ধর্মগুরুবো আরঅ তারে পুযোর্ গুরিলো, “তুই কি সেই মশীহ, আশিদ্‌‌বাদ্‌‌দিয়্যে গোজেনর্ পুয়ো?”

মার্ক 15:5

মাত্তর্ যীশু আর কনঅ জোব্ ন-দিলো। সেক্কে পীলাতে আমক্ অলঅ।

লূকে লেখ্যে গম্ হবর্ 23:9

সেনত্যে হেরোদ যীশুরে ভালোক্কানি পুযোর্ গুরিলো, মাত্তর্ যীশু কনঅ কধার্ জোব্ ন-দিলো।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 19:9

তে আরঅ ঘর ভিদিরে যেইনে যীশুরে পুযোর্ গুরিলো, “তুই কুত্তুন্ এচ্চ্যচ্?” মাত্তর্ যীশু পীলাতরে কনঅ জোব্ ন-দিলো।

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।