যিশাইয় 53:5 - Chakma Bible

⁵ আমা পাপত্তে তারে পেরেক্ মারা ওইয়্যে; আমা অন্যেয়ত্তে তারে চুর্‌‌মার্ গরা ওইয়্যে। যে সাজাগানর ফলে আমার সুগ্-শান্দি এচ্চ্যে সেই সাজাগান তারেই দিয়্যে ওইয়্যে; তে যে আঘাত্‌তান পেইয়্যে সিয়েনত্তে আমি গম্ ওইয়্যেই।‌‌‌‍

যিশাইয় 53:5 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

ইয়োব 33:24

সালে তে তা উগুরে দয়্যেলু ওইনে হোক্, মরণর জাগাত লামে নেযানাত্তুন তারে বাদ দুয়ো; মুই তাত্তেই উদ্ধোর দাম পেইয়োং।

গীতসংহিতা 30:2

ও লগেপ্রভু, মর্ গোজেন, বল্ পেবাত্তে তরে ডাক্যং আর তুই মরে গম্ গোজ্যস্।

গম্ উপদেজ্ 20:30

অমকদ মের্ হেলে ভান্ন্যেয়ানি যায়, আর মনত্ দুঘ্ পেলে মনর্ গভীন্ জাগায়ানি সাংসাঙে ওই যায়।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিশাইয় 6:7

সেই আঙারাবো তে মঅ মুয়োনত্ বাজেইনে কলঅ, “চাহ্, ইবে তঅ মুয়োনত্ বাস্যে; তঅ ভান্ন্যেয়ানি দূর্ গরা ওইয়্যে আর তঅ পাপ্‌পানি ফুজি ফেলা ওইয়্যে।” ‌‌

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

দ্বি’লম্বর বিররণ 11:2

এচ্চ্যে তুমি মনত্‌ রাগেয়ো, মুই এদক্কানি কধা তমারে কঙর্‌, তমা ঝি-পূঅগুনো ইদু ন-কঙর্‌, কিত্যে তারা তমার্‌ গোজেন লগেপ্রভুর সাজা দেনার্‌ কামান ন-জানন্‌ ন-য়ো দেগন্‌। তারা তার্‌ মহিমাগান্ আর তার্‌ বাড়েই দিয়্যে দরমর্‌ আর বোলী আঢ্‌তান্‌ ন-দেগন্‌।

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:14

কিয়া গোজেনর্ নাঙে যিগুনোরে যুদো গরা ওইয়্যে সেই এক্কো উৎসর্বলোই তে উমরত্যে তারারে পূর্ণতাগান দান গোজ্জ্যে।

ইব্রীয় 5:8

মাত্তর্ গোজেনর্ পুয়ো ওইনেয়ো তে দুঘ্ পানাগান্দোই বাধ্যতাগান শিগেয়্যে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।