যিশাইয় 53:3 - Chakma Bible

³ মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

যিশাইয় 53:3 Iomraidhean Croise

গীতসংহিতা 69:29

মুই দুঘোত্ আর যন্ত্রনাত আগং; ও গোজেন, তুই মরে উদ্ধোর্ গুরিনে তারার মুজুঙোত্তুন্ বারেন্দি রাগা।

গীতসংহিতা 88:4

যিগুনে মরণর জাগাত যেবাক্ তারাত্তুন্ মরে ধরা ওইয়্যে; বলিবন্দ ওনেয়ো যে বল্‌পোজ্যে ওইয়্যে মুই তা ধোক্ক্যেন্ ওইয়োং।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

যিশাইয় 52:14

তা চেঙারাগান আর কিয়্যেগান এদক্ বিশ্রী গুরি দিয়্যে অবঅ, সিয়েন আর কনঅ মান্‌জ্য ধোক্ক্যেন ন-থেবঅ; সেনত্তে ভালোকজনে তারে দেগিলে আমক্ অবাক্।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 53:4

ঘেচ্চেকগুরি, তেয়ই আমার বেক পিড়েগানি তুলি নেযেয়্যে আর আমা যন্ত্রনাগান বুয়োই নেযেয়্যে; মাত্তর্ আমি মনে গোজ্যেই গোজেনে তারে আঘাত্ গোজ্যে, তারে মাজ্যে আর দুঘ্ দিয়্যে।

মীখা 5:1

ও সৈন্যদল্লোই ঘিরে হেইয়্যে শঅরান্, তঅ সৈন্যদল্লো সাজা, কিত্যে আমা বিরুদ্ধে এক্কান ঘিরে অর্। শত্রুগুনে ইস্রায়েলর শাজন্‌গুরিয়্যেবোর্ গালত্ লুদিক্কোই আঘাত্ গত্তন্।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

মথি লেখ্যে গম্ হবর্ 26:67

সেক্কে মানুচ্চুনে যীশুর মুয়োনত্ সেফ্ ফেলেই দিলাক্ আহ্ ঘুষি চোড়্ মারিলাক্।

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মার্ক 10:33

“শুনো, তে তারারে কলঅ, আমি যিরূশালেমত্ যের্। সিধু মান্‌‌‍জ্য পুয়োবোরে আজল্ ধর্মগুরুগুনো ইধু আর ধর্ম-মাষ্টরুনো আঢত্ ধুরি দিয়্যে অবঅ। তারা তা বিচের্ গুরিনে তারে মরণর্ যগাজ্যে বিলি থির্ গুরিবাক্ আর অযিহূদীগুনো আঢত্ দিবাক্।

মার্ক 10:34

অযিহূদীগুনে তারে ঠাট্টা-মশ্‌‌‍কারি গুরিবাক্, তা কিয়্যেত্ সেফ্ ফেলেই দিবাক্, তারে অমকদ চাবুক্ মারিবাক্ আর মারে ফেলেবাক্। তিন দিনোত্ আরঅ তে জেঈ উদিবো।”

মার্ক 14:34

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ জাগি থাগঅ।”

মার্ক 15:19

তারা এক্কো মুগোর্‌‍‍‍লোই যীশু মাঢাবোত্ বার্‌বার্ মারা ধুরিলাক্ আর তা কিয়্যেত্ সেফ্ ফেলেই দিলাক্, আর আঢু পারিনে তারে সর্মান দেগেবার্ ভান্ গুরিলাক্।

মার্ক 9:12

তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

লূকে লেখ্যে গম্ হবর্ 8:53

মানুচ্চুনে ঠাট্টা গরা ধুরিলাক্, কিয়া তারা হবর্ পেদাক্ মিলেবো মুরি যেইয়্যে।

লূকে লেখ্যে গম্ হবর্ 9:22

তে তারারে আরঅ কলঅ, মান্‌জ্য পুয়োবোত্তুন্ বোউত্ দুঘ্ ভুগো পড়িবো। বুড়ো নেতাগুন, আজল্ ধর্মগুরুগুন আর ধর্ম-মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিনোত্ তারে মরণত্তুন্ জেঈ উদো পড়িবো।

যোহন 11:35

সেক্কে যীশু কানিলো।

যোহন 8:48

সেক্কে যিহূদী নেতাগুনে যীশুরে কলাক্, “আমি কি ঠিগ্ ন-কোই, তুই এক্কো শমরীয় আর তরে ভুদে পেইয়্যে?”

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।