যিশাইয় 52:2 - Chakma Bible

² ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিশাইয় 52:2 Iomraidhean Croise

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 29:4

তরে তলে লামা অবঅ আর তুই মাদিত্তুন্ কধা কবে; ধূল্যেত্তুন্ লেবেরা-জেবেরা গুরি তঅ কধানি শুনো যেবঅ। ভূদো রঅ ধোক্ক্যেন্ মাদিত্তুন্ তঅ রবো এবঅ; ধূল্যেত্তুন্ তঅ কধানি এক্কেনা এক্কেনা গুরি শুনো যেবঅ।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 49:21

সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 51:14

বন্দীগুনোরে যাদিমাদি ইরি দিয়্যে অবঅ। তারা তারার্ জেলখানা গাদত্ মুরি ন-যেবাক্, তারার হানার্‌অ অভাব ন-অবঅ।

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিরমিয় 51:45

ও মর্ মানুচ্চুন্, বাবিল ভিদিরেত্তুন্ নিগিলি এজঅ। তুমি পত্তিজনে নিজো জিংকানিগানি রোক্ষ্যে গরঅ। লগেপ্রভুর জ্বোল্‌‌‌‌‌‌‌‌‌জল্যে রাগত্তুন্ দাবা যেইনে ধেই যঅ।

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিহিষ্কেল 34:27

মাদ গাজ্‌চুনোত্ গুলো ধুরিবাক্ আর মাদিগানে তার খেত্‌-খেত্তি দিবো; তারা গমেডালে নিজোর্ নিজোর্ ভূইয়োত্ বজত্তি গুরিবাক্। মুই যেক্কে তারার্ জুঙোলান্ ভাঙি ফেলেম আর যিগুনে তারারে চাগর্ বানেয়োন তারা আঢত্তুন্ ছাড়েই আনিম সেক্কে তারা হবর্ পেবাক্, মুয়ই লগেপ্রভু।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

সখরিয় 2:7

ও সিয়োনর্ মানুচ্চুন, তুমি যিগুনে বাবিলোত্ বজত্তি গরর্, তুমি ধেই এজঅ।”

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।