যিশাইয় 51:9 - Chakma Bible

⁹ ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 51:9 Iomraidhean Croise

ইয়োব 26:12

তে নিজো খেমতালোই বড়গাঙানরে উলোত্ পালোত্ গরে; তা কাবিদেংগোই তে রহবরে কট্টা কট্টা গরে।

ইয়োব 9:13

গোজেনে তা রাগ্‌কান ন-দোঙাই; এন্‌ কি, পানি-দেবেদা রহবর বল্‌দিয়্যেগুনেয়ো তা টেঙ ইদু দরে মাঢা নিগিরোন্‌।

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

গীতসংহিতা 44:23

ও প্রভু, চেদন্ অ, কিত্তেই তুই ঘুম্ যর্? উঠ্, উমরত্তে আমারে ছাড়ি ন-যেচ্।

গীতসংহিতা 44:24

কিত্তেই তর্ মুয়োন তুই ফিরেই রাগেয়োচ্? আমা দুঘোর আর অত্যেচারর্ কধানি কিত্তেই ভুলি যেইয়োচ্?

গীতসংহিতা 59:4

মুই কনঅ দুষ্ ন-গরং, তো তারা ধাবা এইনে মঅ বিরুদ্ধে লাক্ক্যন্। মরে বল্ দিবাত্তে তুই উদি আয়, মঅ দযাগান চাহ্।

গীতসংহিতা 7:6

ও লগেপ্রভু, অমকদ রাগ্ গুরিনে তুই উদিনে থিয়্যে, মঅ শত্রুগুনোর্ রাগর বিরুদ্ধে আত্ তুল্। মত্তেই তুই উঠ্, কিত্যে তর্ ন্যায়বিচেরর্ কধা তুই ফগদাং গোজ্যস্।

গীতসংহিতা 77:5

বোউত্ পুরণ দিনোর কধা মুই ভাবিদুং, ইদোত্ তুলিদুং ভালোক্ বজরর্ আগ কধা।

গীতসংহিতা 78:65

সে পরেন্দি প্রভু যেন ঘুমোত্তুন্ জাগিলো; তে আংগুর-রসর মাত্তল কাদে উঠ্যে বীরো ধোক্ক্যেন গুরি জাগিলো।

গীতসংহিতা 87:4

লগেপ্রভু কোইয়্যেদে, “যিগুনে মরে ঘেচ্চেক্‌গুরি হবর্ পান তারার পৌইদ্যেনে কবার অক্তত্ মুই রহব আর বাবিলোর কধা কোম্, আর উইয়োবু পলেষ্টীয়গুন, সোর আর কূশ, তারার কধায়ো কোম্, ‘ইগুনে পত্তিজনে যেন সিয়োনত্ জর্মেয়োন।’ ”

গীতসংহিতা 89:10

তুই রহবরে কট্টা কট্টা গুরি মারে ফেলেয়্যে মান্‌জ্য ধোক্ক্যেন গোজ্যস্; তর্ দরমর আঢ্‌তোই তর্ শত্রুগুনোরে তুই ছিদি দুয়োচ্।

গীতসংহিতা 89:11

দেবাবো তর্, দুনিয়েগান্‌অ তর্; এ পিত্‌থিমীগান আর তা ভিদিরে বেক্কানি তুয়ই থিদেবর্ গোজ্যস্।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

যিশাইয় 30:7

মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

মীখা 7:15

মিসর দেজত্তুন্ নিগিলি এবার্ দিনুনো ধোক্ক্যেন গুরি তুই আমারে আমক্ আমক্ অইদ্যে কাম্ দেগা।

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

সখরিয় 10:11

মুই দুঘো-সাগরর ভিদিরেদি যেম্ আর সাগরর তুবোলানরে দোঙেম্ আর সেক্কে য়্যেল্ গাঙর্ বেক গভীন্ জাগায়ানি শুগেই যেবঅ। আসিরিয়ার অহংকার ভাঙি দিয়্যে অবঅ আর মিসরর রাজলুদিক্কো দূর্ ওই যেবঅ।

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

লূকে লেখ্যে গম্ হবর্ 1:51

তে আঢ্ বাড়েইনে দাঙর্ খেমতার্ কাম্ গোজ্যে; যিগুনোর্ মনানি বার্বোলোই ভরা তারারে তে চেরোকিত্তে দূর্ গুরি দিয়্যে।

যোহন 12:38

ইয়েন ওইয়্যেদে যেন ভাববাদী যিশাইয় কোইয়্যে এ কধাগান্ পূরোণ্ অয়: প্রভু, আমার দিয়্যে হবরান্ কন্না বিশ্বেজ্ গোজ্জ্যে কা ইধু বা প্রভুর্ খেমতাবলা আঢ্‌তান্ ফগদাং ওইয়্যে?

প্রেরিত্‌ 7:7

গোজেনে আরঅ কলঅ, যে জাদ্‌তো তারারে চাগর্ বানেব সেই জাদ্‌তোরে মুই সাজা দিম্। যেরেদি তারা সেই দেজত্তুন্ নিগিলি এইনে এ জাগানত্ মর্ উবোসনা গুরিবাক্।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

ফগদাং পেইয়্যে 11:17

“বেগত্তুন্ খেমতাবলা প্রভু গোজেন, তুই আঘচ্ আর তুই আগে এলে। আমি তরে ভালেদি জানেই, কিত্যেই তুই তর্ দাঙর্ খেমতালোই রাজাগিরি গত্তে আরাম্ভ গোজ্জ্যস্।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

বিচের গুরিয়্যেগুন 6:13

জোবত্‌ গিদিয়নে কলঅ, “মাত্তর্‌ ও মর্‌ প্রভু, যুনি লগেপ্রভু আমা লগে থায় সালে এদক্কানি কিত্তেই আমা উগুরে ঘদের্‌। কুদু গেলগোই তার সেই আমক্‌ অবার্‌ কামানি যিবের কধা কবাত্তে যেইনে আমা পূরোণি বুড়োবুড়িগুনে আমারে কদাক্‌, লগেপ্রভু মিসর দেজত্তুন্‌ তারারে নিগিলেই আন্যে। মাত্তর্‌ তে দঅ ইক্কিনে আমারে ভুলি যেইয়্যে আর মিদিয়নীয়গুনোর আঢত্‌ তুলি দিয়্যে।”