যিশাইয় 51:5 - Chakma Bible

⁵ মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 51:5 Iomraidhean Croise

গীতসংহিতা 110:6

তে নানান্ জাদর্ বিচের গুরিনে রায় দিবো; তে পিত্‌থিমীগানরে মরা মান্‌জ্যলোই ভরেই দিবো; তে পিত্‌থিমীর বেক শত্রুগুনোর মাধাগুন গুড়ি গুরিবো।

গীতসংহিতা 67:4

জাদ্‌তুনে হুজি ওদোক্ আর হুজির-গীদ্ গাদোক্, কিত্তেই তুই গমেডালে জাদ্‌তুনোর বিচের গুরিবে আর এ পিত্‌থিমীত বেক জাদ্‌তুনোরে পরিচালনা গুরিবে।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 24:15

সেনত্তে পুগেদি মানুচ্চুনে লগেপ্রভুরে বাঈনী গোরোদোক্ আর দূর দেজর মানুচ্চুনে ইস্রায়েলর গোজেন লগেপ্রভুরে নাঙ্ গিনোদোক্।

যিশাইয় 26:4

তুমি উমরত্তে লগেপ্রভু উগুরে বিশ্বেজ্ গরঅ, কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 40:10

চঅ, প্রভু লগেপ্রভুর খেমতালোই এজের্, তার খেমতাবলা আঢ্‌তান তার ওইনে রাজাগিরি গরের্।‌ চঅ, বক্‌শিজ্‌‌‌চান তা সমারে আঘে, তার পাওনাগান তাইদু আঘে।

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 49:1

ও দূর্ দেজর মানুচ্চুন্, মঅ কধাগান শুনো; দূরোর জাদ্‌তুন, কানানি পাদঅ। মর্ জর্মেবার আগেদি লগেপ্রভু মরে ডাক্যে; তে মা পেদত্তুন্ ধুরি মঅ নাঙান কোই কোই এজের্।‌‌‌

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিশাইয় 63:5

মুই রিনি চেলুং, মাত্তর্ সাহায্যগুরিয়্যে কাররে ন-পেলুং; মুই আমক্ অলুং, কনজনে মরে সাহায্য ন-গুরিলো। সেনত্তে মুই নিজো খেমতালোই উদ্ধোরর্ কামানি গুরিলুং, আর মঅ রাগ্‌কানে মরে উচ্চোমি দিলো। ‌‍

যোয়েল 3:12

লগেপ্রভু কত্তে, “জাদ্‌‌তুনোরে ডাগি আনা ওক্; তারা যিহোশাফটর কলগত্ উজেই যোক্, কিত্যে সিয়েনত্ মুই চেরোকিত্তে বেক্ জাদ্‌‌তুনোরে বিচের্ গুরিবাত্তে বুজিম্।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

দ্বি’লম্বর বিররণ 30:14

লগেপ্রভুর কধানি তমা সমারে আঘে; আগেদে তমার মুয়োত্‌ আর মনেপরাণে যেনে তুমি সিয়েনি পালন গুরি পারঅ।

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”