যিশাইয় 51:3 - Chakma Bible

³ মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 51:3 Iomraidhean Croise

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

গীতসংহিতা 85:8

লগেপ্রভু গোজেনে যিয়েন কবঅ মুই সিয়েন শুনিম; তা মানুচ্চুনো ইদু, তা ভক্তগুনো ইদু তে সুগ্-শান্দির কধা কবঅ; মাত্তর্ তারা যেন আর ভুলো মিক্ক্যে ন-ফিরোন্।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 43:19

চঅ, মুই এক্কান নুয়ো কাম গুরিবাত্তে যাঙর্। সিয়েন ইক্কিনে আরাম্ভ অবঅ আর সিয়েন তুমি হবর্ পেবা। মুই ধূল্যেচর চাগালা ভিদিরে পথ বানেম আর ধূল্যেচরত্ গাঙ বোজেই দিম।

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 65:18

মুই যিয়েন বানেম্ তুমি যেনে উমরত্যে হুজি থাগঅ আর ফুত্তি গরঅ, কিত্তে মুই যিরূশালেমানরে এক্কান ফুত্তির্ জিনিস আর তা মানুচ্চুনোরে এক্কান হুজির্ জিনিস ইজেবে বানেম্।

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।

যিহিষ্কেল 36:11

মুই তমা উগুরে মানুচ্ আর য়েমান বাড়েই দিম আর তারা ফলবান আহ্ জনেদি বোউত্ অবাক্। মুই তমা উগুরে আগ ধোক্ক্যেন মানুচ্ বজত্তি গোরেম্ আর আগত্তুন্‌অ বেশ্ তমারে বেশ্ ভালেদি দান গুরিম। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 36:35

তারা কবাক্, এ দেজ্‌‌চান আঘে ভস্ত ওই পড়ি এলঅ, মাত্তর্ ইক্কিনে সিয়েন এদন বাগান ধোক্ক্যেন ওইয়্যে; তার শঅরানি ভস্ত, মানুচ্ নেইয়্যে আর ভাংগাচুরো ওই পোজ্যে এলঅ, মাত্তর্ ইক্কিনে সিয়েনি দেবাল-ঘিজ্যে আর বজত্তি গুরিবার জাগা ওইয়্যে।

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;