যিশাইয় 51:23 - Chakma Bible

²³ মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিশাইয় 51:23 Iomraidhean Croise

গীতসংহিতা 129:3

চাষ গুরিয়্যেগুনো ধোক্ক্যেন তারা মঅ পিঠ্‌তান চাজি ফেল্যন্, তারা লাম্বা গুরি দাগ্ টান্যন্;

গীতসংহিতা 66:12

তুই আমা মাদা উগুরেন্দি যেন মানুচ্চুনোরে ঘোড়াত চড়িনে যাদে দুয়োচ্। আগুন আর পানি ভিদিরেন্দি আমাত্তুন্ এজা পোজ্যে, মাত্তর্ তুই আমারে যগাজ্যে আশিদ্‌বাদ ভিদিরে আন্যচ্।

গম্ উপদেজ্ 11:8

গোজেন ভক্ত মানুচ্ দুঘোত্তুন্ উদ্ধোর পায়, মাত্তর্ সে দুঘ্‌কান পাজি মানুচ্চুনো উগুরে এইনে পড়ে।

গম্ উপদেজ্ 21:18

যেরেদি নিদ্দুযি মানুচ্চুনোর বদলে পাজিগুনে আর গম মানুচ্চুনোর বদলে অবিশ্বেজিগুনে দুঘ্ পেবাক্।

ওবদিয় 1:16

মঅ সুদ্ধো-সাংগ মুড়োবোত্ তুই যেবাবোত্যেগুরি মদ হেইয়োচ্ সেবাবোত্যেগুরি বেক জাদ্‌‌তুনে আমিঝে মঅ রাগর্ মদ হেবাক্; তারা দঅ হা ধুরিবাক্ আর পুরোপুরি শেজ্ ওই যেবঅ।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

সখরিয় 12:2

মুই যিরূশালেমানরে এমন এক্কো মদ পিলে বানেম্ যিবেত্তুন্ হেইনে কায়-কুরে বেক্ জাদ্‌‌‌‌‌তুনে ঢুলিবাক্। যিরূশালেম সমারে যিহূদার অন্য শঅরানিরেয়ো ঘিরে অবঅ।

যিহোশূয় 10:24

তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।

ফগদাং পেইয়্যে 17:18

যে মিলেবোরে তুই দেখ্যচ্ তে অলঅ সেই নাঙ্-গোজ্জ্যে শঅরান্, যে জগদর্ বেক্ রাজাগুনো উগুরে রাজাগিরি গরের্।”