যিশাইয় 51:16 - Chakma Bible

¹⁶ মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিশাইয় 51:16 Iomraidhean Croise

গীতসংহিতা 75:3

পিত্‌থিমী আর তার মানব-সমাজর সুদোমানি যেক্কে ভাঙি যায়, সেক্কেনে মুয়ই তার খুদোগুন টিগেই রাগেয়োং।

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

যাত্রা 33:22

মর্‌ মহিমাগান যেক্কে তর্‌ মুজুঙেন্দি যেবগোই সেক্কে মুই তরে মুড়োবোর্‌ ফাদান ভিদিরে সোরেই দিম্‌ আর মুই ন-যানা সং তরে মর্‌ আত্তান্দোই‌ ঢাগি রাগেম্‌।

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 49:2

তে মঅ মুয়োন ধারেয়্যে তলোয়ার ধোক্ক্যেন গোজ্যে। তে মরে তা আঢ ছাবাবোলোই লুগেই রাগেয়্যে। তে মরে এক্কো বেঈ লোইয়্যে সেল্ বানেয়্যে আর তার সেল্ রাগেবার খাজাবো ভিদিরে রাগেয়্যে।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 65:17

“চঅ, মুই নূয়ো আগাজ্ আর এক্কান নূয়ো পিত্‌‍‍‍থিমী বানেম। আগ বেপারানি ইদোত্ ন-থেবঅ, সিয়েনি মনত্‌অ ন-পুরিবো।

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

২ পিতর 3:13

মাত্তর্ আমি গোজেনর্ এগেম্ মজিম নুয়ো আগাজ্ আর নুয়ো পিত্‌থিমীগানত্যে বাজ্জ্যেই আঘি। সিয়েনত্ বেক্কানি গোজেনর্ আওজ্ মজিম অবঅ।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।