যিশাইয় 51:14 - Chakma Bible

¹⁴ বন্দীগুনোরে যাদিমাদি ইরি দিয়্যে অবঅ। তারা তারার্ জেলখানা গাদত্ মুরি ন-যেবাক্, তারার হানার্‌অ অভাব ন-অবঅ।

যিশাইয় 51:14 Iomraidhean Croise

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

যিশাইয় 30:20

যুনিয়ো প্রভু তমারে কয়েক্কান রুটি আর এক্কেনা পানি দিয়্যে, তো তমা মাষ্টর্ প্রভু আর্ পৌল্যেই ন-থেবঅ; তুমি নিজো চোগেদি তারে দেগিবা।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 49:25

মাত্তর্ লগেপ্রভু কোইয়্যেদে, “অয়, যুদ্ধোগুরিয়্যেগুনো আঢত্তুন্ বন্দীগুনোরে নেযা অবঅ আর দর্‌গরেপারা মানজ্যর্ আঢত্তুন্ লুদেয়্যে পযাপিরানি উদ্ধোর গরা অবঅ। যিগুনে তঅ লগে কোজ্যে বাজেবাক্ তারা লগে মুয়ই কোজ্যে বাজেম্ আর তঅ পুয়োগুনোরে মুয়ই রোক্ষ্যে গুরিম।‍

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিরমিয় 37:16

সেই জেলখানাগানর্ মাদির্ তলে এক্কো ঘুদিত্ যিরমিয়রে রাগা অলঅ। সিয়েনত্ তে ভালোক্ দিন রলঅ।

সখরিয় 9:11

ও যিরূশালেম, তত্তেই মর্ সুদোমান থিদেবর্ গুরিবার লো-লোই মুই তর্ বন্দীগুনোরে সেই পানি নেইয়্যে গাঢত্তুন্ উদ্ধোর্ গুরি দিম।