যিশাইয় 51:13 - Chakma Bible

¹³ তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 51:13 Iomraidhean Croise

ইষ্টের 5:14

সেক্কে তা মোক্কো সেরশে আর তা সমাজ্যেগুনে তারে কলাক্‌, “তুই পঞ্চাশ আত্‌ অজল্‌ এক্কান্‌ ফাসি দিবার্‌ গাজ্‌ বানা আর বেন্যেমাদান্ রাজার অনুমতি লোইনে মর্দখয়রে সিয়েন উগুরে ফাসি দিবার বেবস্থা গর্‌। সে পরেন্দি হুজিয়ে রাজিয়ে রাজার লগে হানাত্‌ যাহ্।” এ কধাগান হামনর গম্‌ লাগিলো আর তে সেই ফাসি দিবার্‌ গাজ্‌চুয়ো বানেল।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইয়োব 37:18

ছাজিনে ঢাল্যে আনা ধোক্ক্যেন দরমর যে আগাজ্‌ছান সিয়েন কি তুই গোজেনর সমারে বিজেয়োজ্?

ইয়োব 9:8

তেয়ই দাঙর্‌ আগাজ্‌ছানরে ছিদি দিয়্যে, আর সাগরর্‌ তুবোল উগুরে আঢে।

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

গীতসংহিতা 106:13

মাত্তর্ তা কামানির কধা যাদিমাদি ভুলি গেলাক্; তারা তার সল্লা গুরিবাত্তে বাজ্জেই ন-থেলাক্।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যিশাইয় 10:24

সেনত্তে বেগত্তুন্ খেমতাবলা প্রভু লগেপ্রভু কোইয়্যেদে, “ও মঅ মানুচ্চুন্, তুমি যিগুনে সিয়োনত্ থাগঅ, যুনিয়ো আসিরিয়গুনে মিসর দেজ ধোক্ক্যেন্ গুরি তমারে লুদিক্কোই পিদোন্ আর তমা বিরুদ্ধে গদা তুলোন্ তো তুমি তারারে ন-দোরেবা।

যিশাইয় 16:4

মোয়াবর ধেই যেইয়্যে মানুচ্চুনোরে তমা সমারে থেবাত্তে দুয়ো; ভস্ত গুরিয়্যেগুনোর মুজুঙোত্তুন্ তারারে লুগেই রাগঅ।” যিহূদাত্ অত্যেচারীগুনে শেজ্ ওই যেবাক্; ভস্তর্ কামানি থামেব। দেজত্ আক্রমণ গুরিয়্যেগুনোরে আর দেগা ন-যেবঅ।

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 40:21

তুমি কি হবর্ ন-পঅ? তুমি কি ন-শুনো? পৌইল্যেত্তুন্ ধুরি কি তমারে সে কধানি কুয়ো ন-অয়? পিত্‌থিমী থিদেবর্ গুরিবার সময়ত্তুন্ ধুরি তুমি ন-বুঝো?

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 38:19

রাজা সিদিকিয় সেক্কে যিরমিয়রে কলঅ, “যিদুক্কুন যিহূদী বাবিলীয়গুনো ইধু যেইয়োন মুই তারারে দরাং, কিত্তে বাবিলীয় অয়ত মরে তারা আঢত্ তুলি দিবাক্ আর তারা মঅ লগে ভান্ন্যেই বেবহার গুরিবাক্।”

যিরমিয় 41:18

তারা বাবিলীয়গুনোর দরে যিহূদাত্তুন্ ধেই যাদন, কিত্তে ইশ্মায়েলে বাবিল রাজার বানেয়্যে শাজন্‌গুরিয়্যে গদলিয়রে মারে ফেলেয়্যে।

যিরমিয় 51:15

লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 3:18

মাত্তর্ ও মহারাজ, তে যুনি সিয়েন নয়ো গরে তো আমি তর্ দেবেদাগুনোরে সেবা ন-গুরিবোং বা তর্ থিদেবর্ গোজ্যে সোনার মূত্তিবোরে জু জু ন-জানেবং।”

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

১ করিন্হীয় 15:55

“মরণান্, তর্ জিদেনা কুদু? মরণান্, তর্ কামাড়ানাগান্ কুদু?”

দ্বি’লম্বর বিররণ 32:18

সে জিরেবার-মুড়োবো তুমি এলাফেলা গোজ্য যে তমার বাপ; সেই গোজেনরে তুমি ভুলি যেয়োগোই যিবে মা-ধোক্ক্যেন দুঘ্ পেইনে তমারে পিত্‌থিমীত্‌ আন্যে।

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।

ইব্রীয় 11:15

যে দেজত্তুন্ তারা নিগিলি এচ্চ্যন্ যুনি সেই দেজর্ কধা তারা চিন্তে গুরিদাক্ সালে দঅ সেই দেজত্ ফিরি যেবার্ বেক্‌ ঝুগানি তারা পেদাক্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:9

সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।