যিশাইয় 51:11 - Chakma Bible

¹¹ লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 51:11 Iomraidhean Croise

গীতসংহিতা 126:2

সেক্কে আমা মুয়োনি এলদে আজিয়ে-হুজিয়ে, আর জিলান এলদে গীদে-রেঙে ভরা। অন্য জাদঅ মানুচ্চুনে সেক্কে কুয়ো কি গোজ্যন্, “লগেপ্রভু তারাত্তে বোউত্ দোল্ দোল্ কাম গোজ্যে।”

গীতসংহিতা 126:5

যিগুনে চোগো পানি ফেলেই ফেলে বীজ লাগান্ তারা হুজিয়ে রঅ ছাড়দে ছাড়দে খেত্‌খেত্তি কাবিবাক্।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিশাইয় 65:14

মনত্ হুজি আঘে বিলিনে মঅ চাগরুনে গিদ্ গেবাক্, মাত্তর্ তুমি মনত্ দুঘে কানিবা আর মনানি ভাঙিনে অবিলেচ্ গুরিবা।

যিশাইয় 65:19

মুই যিরূশালেমানরে নিইনে ফুত্তি গুরিম আর মঅ মানুচ্চুনোরে নিইনে হুজি ওম্; সিয়েন ভিদিরে আর কনঅ কানাকুদির্ রঅ শুনো ন-যেবঅ।

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

ফগদাং পেইয়্যে 22:3

গোজেনর্ আর ভেড়া-ছবোর্ সিংহাসন সেই শঅরত্ থেবঅ আর তার্ চাগরুনে তারে সেবা গুরিবাক্।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”