যিশাইয় 50:9 - Chakma Bible

⁹ প্রভু লগেপ্রভু মরে সাহায্য গোজ্যে, সেনত্তে কন্না মরে দুষি গুরিবো? তারা বেক্কুনে কাবড় ধোক্ক্যেন পূরোণ ওই যেবাক্; পুগে তারারে হেই ফেলেব।

যিশাইয় 50:9 Iomraidhean Croise

ইয়োব 13:19

কনজনে কি মঅ বিরুদ্ধে আবিত্তি জানেই পারন্‌? পারিলে মুই অলর্ গুরি মুরি যেম্‌।

ইয়োব 13:28

মানুচ্‌ দঅ পঁচা জিনিজো ধোক্ক্যেন্ বর্‌বাত্‌ ওই যার্‌ আর পুগে কামেরেয়্যে কাবড় ধোক্ক্যেন্ অর্‌।

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 54:6

মুই নিজোর আওজে তর্ নাঙে য়েমান উৎসর্ব গুরিম; ও লগেপ্রভু, মুই তর্ বাঈনী গুরিম, কিত্তেই তুই মংগলময়।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যাকোব 5:2

তমা ধনানি বর্‌বাদ্ ওই যেয়্যে আর তমা কাবড়-চুগোড়ানি পুগে কাপ্প্যন্।