যিশাইয় 50:7 - Chakma Bible

⁷ প্রভু লগেপ্রভু মরে সাহায্য গরে বিলিনে মুই অগমানিত ন-ওম্। সেনত্তে মুই চক্‌মকি পাত্তর ধোক্ক্যেন মঅ মুয়োন দরমর গোজ্যং, মুই ন-লাজেম্। ‌‌

যিশাইয় 50:7 Iomraidhean Croise

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 54:6

মুই নিজোর আওজে তর্ নাঙে য়েমান উৎসর্ব গুরিম; ও লগেপ্রভু, মুই তর্ বাঈনী গুরিম, কিত্তেই তুই মংগলময়।

যিশাইয় 29:22

সেনত্তে অব্রাহামর্ উদ্ধোর্‌গুরিয়্যে লগেপ্রভু যাকোব বংশ পৌইদ্যেনে কোইয়্যেদে, “যাকোবে আর্ লাজ্ ন-পেবঅ; তারার্ মুয়োনি আর্ কালাচদামু ন-অবঅ।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 50:9

প্রভু লগেপ্রভু মরে সাহায্য গোজ্যে, সেনত্তে কন্না মরে দুষি গুরিবো? তারা বেক্কুনে কাবড় ধোক্ক্যেন পূরোণ ওই যেবাক্; পুগে তারারে হেই ফেলেব।

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

১ পিতর 4:1

সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।

১ পিতর 4:16

মাত্তর্ খ্রীষ্টান ইজেবে যুনি কেঅ দুঘোত্ ভুগোন্ সালে তে ন-লাজোক্, বরং তার সে নাঙান্ আঘে বিলিনে তে গোজেনর্ বাঈনী গোরোক্।