যিশাইয় 50:4 - Chakma Bible

⁴ প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 50:4 Iomraidhean Croise

ইয়োব 4:4

যিগুনে জীংকানির-পদথ্‌ উজোত্‌ খেইয়োন্‌ তমা কধানি তারারে এজাল্‌ দিয়্যে; তারার্‌ বল্‌পোজ্যে আঢুগুন্‌ তুই দরমর গোজ্যস্‌।

গীতসংহিতা 119:147

বেন্যেপোত্যে মুই ঘুমোত্তুন্ উদিনে এজাল্ পেবাত্তে কানং; তর্ এগেমান উগুরে মুই বিশ্বেজ্ গুরি আগং।

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 40:7

সেনত্তে মুই কোইয়োং, “এইয়্যে দঅ মুই এচ্যং; পবিত্র বাইবেলত মর্ এজানার পৌইদ্যেনে লেগা আঘে।

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

গীতসংহিতা 5:3

ও লগেপ্রভু, পত্তিদিন বেন্যেমাদান্ তুই মঅ কধানি শুনোচ্। বেন্যেমাদান্ মুই তঅ মুজুঙোত্ মঅ তবনাগান সাজেই রাগাং আর আজালোই চেই থাং।

গীতসংহিতা 88:13

ও লগেপ্রভু, মুই তইদু এজাল্ পেবাত্যে কানং; বেন্যেমাদান্ তইদু মর্ তবনাগান লুমেগোই।

গম্ উপদেজ্ 12:25

বাজে চিদে-চজ্জালোই মান্‌জ্যর মনানি ভাঙি পড়ে, মাত্তর্ এক্কেনা উচ্চোমির কধাগানে তারে ফুত্তি আনি পারে।

গম্ উপদেজ্ 15:23

যে মানুচ্চো যগাজ্যে জোব্ দি পারে তে হুজি অয়; যগাজ্যেগুরি কোইয়্যে কধানি কেজান্ গম!

গম্ উপদেজ্ 25:11

ঠিগ্‌‍মজিম কধা কনা যেন নক্‌‍সা গোজ্যে রূবো উগুরে বোজেয়্যে সোনার ফল।

যিশাইয় 28:19

সিয়েন্ যেদকবার্ লামি এবঅ সেদকবার্ তমারে মারা অবঅ; বেন্যের্ পরেদি বেন্যে, দিনোত্ আর রেদোত্ সিয়েন জোরে লামি এবঅ। এ কধাগান বুঝি পারিলে তুমি অমকদ দোরেবা।”

যিশাইয় 28:9

তারা কন্দে, “তে কারে শিক্ষ্যে দের্? তা কধানি কাইদু বুঝোর্? যিগুনে দুধ হানা চাজ্যন্, বুগো দুধোত্তুন্ যিগুনোরে সোরেই নেযা ওইয়্যে তারা ইদু কি?

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

যিশাইয় 40:29

তে বল্‌‌‌পোজ্যেগুনোরে বল্ দে আর বল্ নেইয়্যেগুনোরে বল্ বাড়েই দে।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিশাইয় 8:16

তুই এ সাক্ষিগান রোক্ষ্যে গর্ আর মঅ শিষ্যগুনো ভিদিরে সিবে সীলমর্ গুরি রাগা।

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিহিষ্কেল 46:13

লগেপ্রভুর নাঙে পূজ্যে-উৎসর্বত্তে তমাত্তুন্ পত্তিদিন এক্কো গুরি এক বজরর্ তুদো নেইয়্যে ভেড়া ছঅ উৎসর্ব গরা পড়িবো; পত্তিদিন বেন্যে তমাত্তুন্ সিয়েন গরা পড়িবো।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 13:54

সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 22:46

ইয়েনর্ জোবত্ কেঅ এক্কান্ কধায়ো তারে কোই ন-পারিলাক্ আর সেদিন্ন্যেত্তুন্ ধুরি কেঅ তারে আর কিচ্ছু পুযোর্ গুরিবাত্তেয়ো সাহস ন-গুরিলাক্।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

যোহন 7:46

সেই চাগরুনে কলাক্, “মানুচ্চো যেবাবোত্যেগুরি কধা কয় সেবাবোত্যেগুরি আর কেঅ কনদিন্অ কধা ন-কয়।”

দ্বি’লম্বর বিররণ 18:17

লগেপ্রভু মরে কোইয়্যেদে, তারা ঠিগই কোইয়োন।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।