যিশাইয় 5:7 - Chakma Bible

⁷ বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 5:7 Iomraidhean Croise

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

২ শমূয়েল 7:10

মঅ মানুচ্‌ ইস্রায়েলীয়গুনোত্তে মুই এক্কান জাগা ঠিগ্‌ গুরিনে সিয়েনত্ গাজঅ ধোক্ক্যেন্‌ তারারে বোজেই থোম্, যেনে তারা নিজো জাগাত্‌ গমে ডালে বজত্তি গুরি পারন্ আর মঅ মানুচ্চুনে ইস্রায়েলীয়গুনো উগুরে শাজন্‌গুরিয়্যে নেযানার পরেত্তুন্‌ ধুরি পাজি মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন। মুই বেক্‌ শত্রুগুনোর আঢত্তুন্‌ তরে মাব্ দিম্‌। “ ‘মুই লগেপ্রভু আরঅ কঙর্‌, মুই নিজেই তর্‌ বংশবোরে অাক্কোই নেযেম্।

ইয়োব 34:28

তারার অত্যাচারত্তে নাঢা মানুচ্চুনোর কানানিগানি তা মুজুঙোত্ পড়ে; তে নাঢা মানুচ্চুনোর কানানিগানি শুনে।

গীতসংহিতা 147:11

মাত্তর্ যিগুনে তারে ভোক্তিগুরি দরান্ আর তার অমকদ কোচ্‌পানা উগুরে আজা রাগান্, তারারে নিইনে লগেপ্রভুর যেত্তমান্ হুজি।

গীতসংহিতা 149:4

কিত্তে লগেপ্রভু তা মানুচ্চুন্দোই হুজি অয়; তে নম্র মানুচ্চুনোরে উদ্ধোর্ গুরিনে সর্মান গরে।

গীতসংহিতা 80:15

যে চারা গাজ্‌ছোরে তুই নিজো আঢ্‌তোই লাগেয়োচ্, যিবের ডেলাগুন তর্ নিজোত্যে তুই দরমর গোজ্যস্;

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

গম্ উপদেজ্ 21:13

যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

পরমগীত 7:6

ও মর্ পরাণি, মরে হুজি গুরিয়্যেবো, তুই কি দোল্, কি অমকদ দোল্!

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিশাইয় 27:2

সেদিন্যে এ গান্নো গাহ্ অবঅ: “তুমি গান গঅ সেই আংগুর খেত পৌইদ্যেনে যিয়েনত্তুন্ রস পাহ্ যায়।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 3:17

সেনত্তে লগেপ্রভু সিয়োনর মিলেগুনো মাঢাত্ ঘা গুরি দিবো আর সিয়েনত্ টাক্ পুরিবো।”

যিশাইয় 30:12

সেনত্তে ইস্রায়েলর সেই পবিত্র মানুচ্চো এ কধাগান্ কোইয়্যেদে, “তুমি মঅ কধাগান্ এলাফেলা গোজ্য, আর মিজে আর অত্যেচার্ গরানা উগুরে বিশ্বেজ্ গোজ্য।

যিশাইয় 46:12

ও একবুস্যে মনর্ মানুচ্চুন, তুমি যিগুনে মর্ গুজি লনাত্তুন দূরোত্ আগ, মঅ কধাগান শুনো।

যিশাইয় 5:2

তে জাগায়ান্ খুড়িনে বেক্ পাত্তরুন্ তুলি ফেলেল আর সিয়েনত্ লাগেল বেগত্তুন্ গম্ আংগুর লুদি। সিয়েন ভিদিরে বানেল এক্কান অজল্ চুগিদার-ঘর আর আংগুর মাড়িবাত্তে পাত্তর্ কাবিনে ঠিগ্ গুরি নেযেল। সে পরেদি তে সিয়েনত্ গম গম আংগুর ফলত্তে বাজ্জেই থেলঅ, মাত্তর্ সিয়েনত্ ধুরিলাক্ বানা ঝার্ আংগুর।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 59:14

সেনত্তে ন্যায়বিচেরানরে ওদেই দিয়্যে ওইয়্যে আর ন্যায্যগান দূরোত্ থিয়্যেই আঘে; সত্যগান পধে পধে উজুদো হেইয়্যে, সততাগানে চোমেই ন-পারে।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 24:2

এক্কো কাল্যঙত্ এলাক্ পত্তমে পাক্যে ডোমোর ধোক্ক্যেন অমকদ গম্ ডোমোর, আর অন্যবোত্ এলাক্ অমকদ বজং ডোমোর, এদক্ বজং যে, হা ন-যায়।

যিরমিয় 50:46

“বাবিলান গজক্ গরা ওইয়্যে,” এই কিজেগ রবোলোই পিত্‌‌থিমীগান গির্‌‌‌গিরেব; জাদ্‌তুনো ভিদিরে তা কানানার্ রবো শুনো যেবঅ।‌‌

যিহিষ্কেল 22:29

দেজ মানুচ্চুনে অত্যেচার আর ডাগেত্ গরন্; তারা নাঢা আর অভাবীগুনো উগুরে অন্যেয় গরন আর ন্যায়বিচের্ ন-গুরিনে বিদেশীগুনো উগুরে অত্যেচার গরন্।

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

হবক্‌‌‌‌কূক 1:3

কিত্তে তুই মরে পাজিগানি চাদে বাধ্য গরর্? কিত্তে তুই অন্যেয়ানি সোজ্য গরর্? মঅ মুজুঙোত্ ভস্ত আর অত্যেচার অর্ আর আমিঝে কোল্-কোজ্যে আহ্ মারামারি চলের্।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।