যিশাইয় 5:6 - Chakma Bible

⁶ মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 5:6 Iomraidhean Croise

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 8:35

তর্‌ বিরুদ্ধে তর্‌ মানুচ্চুনে পাপ গরানার কারনে যেক্কে আগাজ্‌চান্ বন্দ ওইনে ঝড় ন-পুরিবো, সেক্কে তারা যুনি এ জাগানর ইন্দি ফিরিনে তর্‌ বাঈনী গরন্‌ আর তইদু তবনা গরে আর তত্তুন্‌ দুখ্‌ পেইনে পাপত্তুন্‌ ফিরে,

ইয়োব 31:40

সালে যেনে সিয়েনত্ গম বদলে কাদাগাজ্ উদে আর মোক্ক্যের্ বদলে হের্।” ইয়োত্ ইয়োবর কধানি থুম্ ওইয়্যে।

গম্ উপদেজ্ 24:31

চেলুং বেগ জাগায়ানত্ কাদা গাজ্ জোর্মেয়োন, হের্‌‍লোই মাঢিগান ঢাগা যেইয়্যে, আর পাত্তর দেবালান্অ ভাঙি পোজ্যে।

যিশাইয় 24:12

শঅরানি ভস্ত ওইয়্যে কুরো ধোক্ক্যেন পড়ি থেবঅ আর সে গেট্‌‌তো কট্টা কট্টা ওইনে ভাঙি যেবঅ।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 32:10

ও চিদে-চজ্জা নেইয়্যে মিলেগুন্, এক বজরত্তুন্ কিজু বেশ্ সময় অলে পরেদি তুমি দরে গির্‌‌গিরেবা, কিত্তে আংগুরুন বর্‌বাত ওই যেবাক্, ফল পাড়িবার সময় ন-এবঅ।

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 7:19

সিগুন এইনে লাম্বা লাঙেল ভিদিরে, মুড়োমুড়ি ফাদা মারাত্, বেক কাদা ঝুব্‌পুনো ভিদিরে আর মাঢত্ বুজিবাক্।‍

যিরমিয় 14:1

খরান পৌইদ্যেনে লগেপ্রভু যিরমিয়রে কলঅ,

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 45:4

“লগেপ্রভু মরে এ কধাগান তরে কবাত্তে কোইয়্যে, ‘মুই লগেপ্রভু সারা দেজ ভিদিরে যিয়েনি বানেয়োং সিয়েনি ভাঙি ফেলেম আর যিয়েনি লাগেয়োং সিয়েনি উগুড়েই ফেলেম।

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।

যোয়েল 1:7

তে মর্ বেক আংগুর-লুদিগানি বর্‌বাত গোজ্যে আর ডোমোর্ গাজ্‌চুন ভাঙি ফেলেয়্যে। সিগুনোর বাগলানি ছুলিনে তে সিয়েনি ফেলেই দিয়্যে; সেক্কে ডেলাগুন বেক্কানি দুপ্ ওই যেইয়্যে।

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

ফগদাং পেইয়্যে 11:6

এ মানুচ্চুনে যেদক বিলোন ভাববাদী ইজেবে কধা কবাক্ সেদক বিলোন যেন ঝড় ন-অয় সেনত্যে আগাজ্‌চান নাঢি দিবার খেমতা তারার্ থেবঅ। পানিগানরে লো বানেবার আর যেদকবার আওজ্ সেদকবার যে কনঅ আঘাত্‌তোই পিত্‌থিমীগানরে ক্ষোতি গুরিবার খেমতায়ো তারার্ থেবঅ।