যিশাইয় 5:30 - Chakma Bible

³⁰ সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 5:30 Iomraidhean Croise

উপদেশক 12:2

সে অক্তত্ বেলান্, পহ্‌রানে, চান্নো আর তারাগুন্ আন্ধার্ ওই যেবাক্, আর ঝর্ দেনার্ পরেদি মেঘ্‌কানে আরঅ ফিরি এঅঅ।

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 13:4

শুনো, মুড়ো-মুড়ি উগুরে বোউত্ মান্‌জ্যর রঅ অর্। শুনো, বেগ্ জাদ্‌তুনোর্ আর রেজ্যর মানুচ্চুনে এক সমারে এগত্তর্ ওইনে যাগুলুক্ গত্তন্। বেগত্তুন্ খেমতাবলা লগেপ্রভু যুদ্ধোত্তে এক্কো সৈন্যদল সাজাদন্।

যিশাইয় 17:12

হায় হায়, বোউত্ মান্‌জ্যর রঅ শুনো যার্! গুজুরি উঠ্যে সাগর ধোক্ক্যেন জাদ্‌‍‍তুনে গুজুরোদন্। জাদ্‌তুনোর জদবদে রঅ ছাড়ানাগানি শুনো যার্। দর্‌‍‍‍‍গরেপারা বান পানির গুজুরোনি ধোক্ক্যেন তারা রঅ ছাড়দন্।‍

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিশাইয় 59:9

সেনত্তে ন্যায়বিচেরান আমাত্তুন দূরোত্ থায় আর সততাগান আমা ইদু ন-লুমেগি। আমি পহ্‌‍‌‌‌‌র পেবাত্তে চেই, মাত্তর্ বেক্কানি আন্ধার; জোল্‌‍‌‌‌‌জোল্যে পেবাত্তে চেই, মাত্তর্ ঘন ছাবালোই চলিই।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 30:5

মুই লগেপ্রভু কঙর্, সুগ্-শান্দির কিজেক্ নয় বরং অমকদ দর্‌‍গরেপারা কিজেক্ শুনো যেইয়্যে।

যিরমিয় 50:42

তারা ধনু আর তলোয়ারবলা; তারা চিৎনপুজ্যে আর দোয়্যেনেইয়্যে। তারা ঘোড়াত্ গুরি এবার্ অক্তত্ সাগর গুজুরোনি রঅ অর্; ও বাবিল-ঝি, তরে আক্রমণ গুরিবাত্তে তারা যুদ্ধোর্ সাজে এত্তন্।

যিরমিয় 6:23

তারা ইধু ধনু আর সেল্ আগন; তারা চিৎনপুজ্যে আর কনঅ মেয়্যে ন দেগান্। ঘোড়া পিদিত্ উদি এবার অক্তত্ তারা রঅগুন সাগর গুজুরি উদেধে ধোক্ক্যেন; ও সিয়োন-ঝি, তরে আক্রমন গুরিবাত্তে তারা যোদ্ধা ধোক্ক্যেন যুক্কোল্ ওই এত্তন্।”

আবিলেচ্ 3:2

তে মরে লোড়েই দিয়্যে; তে মরে পহ্‌‌‌রত্ নয়, মাত্তর্ আন্ধারত্ আঢেয়্যে;

যিহিষ্কেল 26:3

সেনত্তে মুই প্রভু লগেপ্রভু কঙর্, ও সোর, মুই তর্ বিপক্কে। সাগরে যেবাবোত্যে তার তুবোলুন্ উগুরে তুলোই সেবাবোত্যেগুরি মুই তঅ বিরুদ্ধে ভালোক্কুন্ জাদরে ডাগি আনিম।

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

আমোষ 5:18

অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।