যিশাইয় 5:28 - Chakma Bible

²⁸ তারার্ সেলুন্ ধারেয়্যে, তারার্ বেক্ ধনুগানিত্ সেল্ লাগেয়্যে আঘে; তারার্ ঘোড়াগুনোর্ টেঙ মুরিগুন্ চোক্‌চোক্যে পাত্তর্ ধোক্ক্যেন্ দরমর, আর তারার্ রথ্‌তানির চাক্কাগুন্ থুঠ্যে বোইয়্যের ধোক্ক্যেন্।‌

যিশাইয় 5:28 Iomraidhean Croise

গীতসংহিতা 120:4

তে তরে যুদ্ধোর্ ধারেয়্যে সেল্ দিবো আর রোতম গাজর ধোক্‌‌ধোক্যে‌ আঙারা।

গীতসংহিতা 45:5

রাজার শত্রুগুনোর বুগোত্ তর্ ধারেয়্যে সেল্‌‌লো ফুদেগোই; তর্ শত্রু জাদ্‌‌তুনে তর্ টেঙর তলে পড়ন্।

যিশাইয় 13:18

তারা ধনুলোই গাবুজ্যেগুনোরে মারে ফেলেবাক্; তারা চিগোন পুয়োগুনোরে কনঅ মেয়্যে ন-গুরিবাক্ বা ঝি-পুয়োগুনোর ইন্দি মেয়্যের্ চোগেদি রিনি ন-চেবাক্।

যিশাইয় 21:1

ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 47:3

তারা জোরে দাবা যেইয়্যে ঘোড়া টেঙ থুগো রঅ, শত্রুগুনোর রথ রঅ আর রথ চাক্কার ঘড় ঘড় রঅ শুনিবা। বাব্‌‌পুনে তারা পুয়ো-ছাগুনোরে সাহায্য গুরিবাত্তে ন-ফিরিবাক্; তারা আঢ্‌‌তানি লুলো ওইনে দুলি দুলি থেবঅ।

যিরমিয় 5:16

তারা জদবদে সেল্ মারন; তারা বেক্কুনে দরমর যোদ্ধা।

যিহিষ্কেল 26:11

তার ঘোড়াগুনোর টেঙ মুড়িলোই তর্ বেক্ পথ্‌তানি দুলি দিবো; তঅ মানুচ্চুনোরে তে মারে ফেলেব আর তর্ দরমর খুদোগুন মাদিত্ পুড়িবাক্।

যিহিষ্কেল 38:9

তুই আর তর্ বেক সৈন্যগুন আর তঅ সমারে ভালোক্কুন জাদে সেই দেজ্‌‌‌‌‌‌চান আক্রমন গুরিবাত্তে ঝড় ধোক্ক্যেন উজেই যেবাক্; তুমি মেঘ ধোক্ক্যেন গুরি দেজ্‌‌‌‌‌‌চানরে নাঢি ফেলেবা।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

নহূম 3:2

শুনো, চাবুগো রঅ, চাক্কার্ ঘড়ঘড় রঅ; সিয়েনত্ ঘোড়া ফাল্যেনে যাদন্; রথ্‌‌‌‌তানি ইন্দি উন্দি যার্;

বিচের গুরিয়্যেগুন 5:22

সে পরেন্দি মাদিগান গির্‌গিরেই উদিলো ঘোড়ার টুক্‌কুনোত্‌ ঘা ওইনে আর বোলীবন্দ ঘোড়াগুনে আদিলাক্ খট্‌-খটা-খট্‌ গুরিনে।