যিশাইয় 5:27 - Chakma Bible

²⁷ তারা কনজনে বল্‌পোজ্যে ন-অবাক্, উজোত্‌অ ন-হেবাক্; কনজনে ন-ঝুরিবাক্ বা ন-ঘুমেবাক্; তারার্ কমর্-বিজোনিগান খুলি ন-যেবঅ, জদার্ ফিতেনিয়ো ন-ছিনিবো;‌

যিশাইয় 5:27 Iomraidhean Croise

১ রাজাবলী 2:5

“সরূয়ার পূঅ যোয়াবে মর্‌ উগুরে যিয়েনি গোজ্যে আর ইস্রায়েলীয় সৈন্যদলুনোর দ্বিবে সেনাপতি উগুরে, অত্তাৎ নেরের পূঅ অব্‌নের আর যেথরর পূঅ অমাসা উগুরে যিয়েনি গোজ্যে সিয়েন দঅ তুয়ই হবর্‌ পাচ্‌। তে তারারে খুন্ গোজ্যে, শান্তির অক্তত্‌অ যুদ্ধোর সময়ো ধোক্ক্যেন গুরিনে তে তারারে লো ঝোরেই দিয়্যে আর সেই লো-নি তার কমর-বিজোনিত্‌ আর টেঙর্‌ জদানিত্‌ বাস্যে।

ইয়োব 12:18

তে রাজার্‌ কাবড়্‌-চুগোড়ানি কারি নেযায় আর তারে বানি থয়।

ইয়োব 12:21

তে দাঙর্‌ পোজিশনর্‌ মানুচ্চুনোরে ঘিনাই আর বোলীগুনোরে আত্যার্‌ছাড়া গরে।

গীতসংহিতা 18:32

গোজেনে মঅ কমরত্ বল্ দিয়্যে আর সাব্ গোজ্যে মঅ আঢিবার পথ্‌তান।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

গম্ উপদেজ্ 3:23

সেক্কে তুই গমেডালে তঅ পধেদি যেই পারিবে, তঅ টেঙত্ উজোত্ ন-লাগিবো।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

মথি লেখ্যে গম্ হবর্ 3:4

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ। আর তার্ হানাগান এলঅ ঝার মধু আর পুগ্‌‌-যুগ্।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।