যিশাইয় 5:22 - Chakma Bible

²² অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

যিশাইয় 5:22 Iomraidhean Croise

১ রাজাবলী 20:16

তারা দ্বিবুজ্যে অক্তত্‌ নিগিলিলাক্‌। নানান্‌ চাগালাত্‌ শাজন্‌গুরিয়্যেগুনোর্‌ সে গাবুজ্যে সৈন্যগুনে পৌইল্যা যাহ্ ধুরিলাক্‌। ইন্দি বিন্‌হদদ আর তা লগে আগন্দে বত্রিশজন রাজা তারার্‌ তাম্বুলো ভিদিরে মাত্তল্‌ অনার্‌ পরেন্দিয়ো মদ হাদন্‌। সে অক্তত্‌ বিন্‌হদদে তোগেবাত্তে মানুচ্‌ পাধেই দিলে তারা তারে হবর্ দিলাক্‌, “শমরিয়াত্তুন্‌ মানুচ্চুনে উজেই এজদন্‌।”

যাত্রা 23:8

ঘুষ ন-হেবা, কিত্তে যার্‌ চোগ আঘে তারেয়ো ঘুষে চোগ্‌ কান গুরিদে। ঘুষ গম্‌ মান্‌জ্যর্‌ কধাত্‌‌অ‌ প্যাজাল্‌ লাগেই দে।

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

গম্ উপদেজ্ 23:29

কন্না হায় হায় গরে? কন্না আবিলেচ্ গরে? কন্না কোল্-কোজ্যে গরে? কন্না বেশ্ কধা কয়? কন্না এনেবাদে আঘাত্ পায়? কা চোগ্‌কুন রাঙা অন্?

গম্ উপদেজ্ 31:4

ও লমূয়েল, রাজাগুনোর তপ্পে, অয়, রাজাগুনোর তপ্পে আংগুর-রস হানা যগাজ্যে নয়; মদ্ হেবাত্তে চানা শাজন্‌গুরিয়্যেগুনোর তপ্পে যগাজ্যে নয়।

গম্ উপদেজ্ 31:5

মদ্ হেইনে তারা সুদোমানি ভুলি যেই পারন্, আর অত্যেচারিতগুনো উগুরে অন্যেয় বিচের গুরি পারন্।

যিশাইয় 22:13

মাত্তর্ চঅ, সিয়েনত্ রঙ্গ ফুত্তি আর রঅ রঅ ছঅ ছঅ চলের্, আর গোরু ভেড়া কাবিনে আহ্ য়েরা আর আংগুর-রস হানা চলের্। তুমি কত্তে, “এজঅ, আমি হানা-দানা গুরিই, কিত্তে কেল্যে আমি মুরি যেবং।”

যিশাইয় 24:9

তারা আর গান গেই গেই আংগুর-রস ন-হেবাক্; মদখুরুনো মুয়োত্ মদ তিদে লাগিবো।

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 5:11

অভিশাব্ পোড়োক্ সে মানুচ্চুনোর্, যিগুনে মদ হেবাত্তে বেন্যে পোত্যে উদোন্ আর বোউত্ রেত্‌সম্বাগ সং বোইনে আংগুর-রস হান্, যেদক্কন্ সং সিয়েন হেইনে তারা গরম ওই ন-উদোন্।

যিশাইয় 56:12

বেক্কুনে কন্, “যেই, আংগুর-রস আনিই; যেই, আমি পেট্ ভরে সং মদ হেই। এচ্চ্যেত্তুন্ কেল্যে আরঅ গম্ অবঅ।”

হবক্‌‌‌‌কূক 2:15

জাদ্‌তুনে কবাক্‌‌, অভিশাব্ দিই তারে, যে রাগ গুরিনে তা পাড়াল্যেগুনোরে দগ্ দগ্ মদ খাবায় আর মাত্তল্ গুরি ফেলায় যেনে তে তারারে লাংদা দেগে।