যিশাইয় 5:21 - Chakma Bible

²¹ অভিশাব্ পোড়োক্ সেই মানুচ্চুনোর্, যিগুনে নিজো চোগেদি জ্ঞানবলা আর নিজোরে বুদ্ধিবলা বিলিনে মনে গরন্।

যিশাইয় 5:21 Iomraidhean Croise

ইয়োব 11:12

ঝার গাধা ছঅগুনে যেধোক্ক্যেন্ মানুচ্‌ ওইনে জর্ম নেযেই ন-পারন্‌, সেধোক্ক্যেন্ বুদ্ধি নেইয়্যে মানুচ্চুনে জ্ঞানী ওই ন-পারন্‌।

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

গম্ উপদেজ্ 26:16

যিগুনে চিদে-চজ্জা গুরিনে জোব্ দুয়োন সেধোক্ক্যেন্ সাত জনত্তুন্ আল্‌সি মানুচ্চো নিজেরে জ্ঞানী মনে গরে।

গম্ উপদেজ্ 3:7

তঅ নিজো চোগেদি জ্ঞানি ন-ওচ্; লগেপ্রভুরে ভোক্তিগুরিনে দোরেচ্, ভান্ন্যেই কামত্তুন্ দূরোত্ যাহ্।

যিশাইয় 10:13

কিত্তে তে কইদ্যে, ‘মঅ আঢ বল্লোই আর জ্ঞান্দোই মুই ইয়েনি গোজ্যং, কিত্তে মর্ বুদ্ধি আঘে। জাদ্‌তুনোর দুযিগান মুই দূর্ গুরি দুয়োং, তারার ধন-সোম্বাত্তিগানি লুদেয়োং; খেমতাবলা বীর ধোক্ক্যেন্ মুই তারার্ রাজাগুনোরে দোঙেয়োং। ‌‌

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 40:23

তে রাজাগুনোরে খেমতানেইয়্যে গরে আর এ সংসারর্ শাজন্‌গুরিয়্যেগুনোরে বাজে জিনিজো ধোক্ক্যেন গরে।

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যোহন 9:41

যীশু তারারে কলঅ, “তুমি যুনি কানা অদা সালে তমার্ কনঅ দুচ্‌ ন-থেদঅ। মাত্তর্ তুমি কঅ, তুমি দেগঅ, সেনত্তে তমার্ দুচ্‌ আঘে।”

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।