যিশাইয় 5:2 - Chakma Bible

² তে জাগায়ান্ খুড়িনে বেক্ পাত্তরুন্ তুলি ফেলেল আর সিয়েনত্ লাগেল বেগত্তুন্ গম্ আংগুর লুদি। সিয়েন ভিদিরে বানেল এক্কান অজল্ চুগিদার-ঘর আর আংগুর মাড়িবাত্তে পাত্তর্ কাবিনে ঠিগ্ গুরি নেযেল। সে পরেদি তে সিয়েনত্ গম গম আংগুর ফলত্তে বাজ্জেই থেলঅ, মাত্তর্ সিয়েনত্ ধুরিলাক্ বানা ঝার্ আংগুর।

যিশাইয় 5:2 Iomraidhean Croise

২ শমূয়েল 7:10

মঅ মানুচ্‌ ইস্রায়েলীয়গুনোত্তে মুই এক্কান জাগা ঠিগ্‌ গুরিনে সিয়েনত্ গাজঅ ধোক্ক্যেন্‌ তারারে বোজেই থোম্, যেনে তারা নিজো জাগাত্‌ গমে ডালে বজত্তি গুরি পারন্ আর মঅ মানুচ্চুনে ইস্রায়েলীয়গুনো উগুরে শাজন্‌গুরিয়্যে নেযানার পরেত্তুন্‌ ধুরি পাজি মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন। মুই বেক্‌ শত্রুগুনোর আঢত্তুন্‌ তরে মাব্ দিম্‌। “ ‘মুই লগেপ্রভু আরঅ কঙর্‌, মুই নিজেই তর্‌ বংশবোরে অাক্কোই নেযেম্।

নহিমিয় 13:15

সে অক্তত্‌ মুই দেগিলুঙ্‌ যিহূদার মানুচ্চুনে জিরেবার্‌ দিন্নোত্‌ আংগুর-মারেদে কাম্‌ গোজ্যন্‌ আর খেত্‌খেত্তি আনদন্‌ আর সেই খেত্‌খেত্তিগানি, আংগুর-রসছানি, আংগুর, ডোমোর্‌ আর অন্য নানান্‌ বাবোত্যে বুধি তারা গাধা উগুরে তুলি দুয়োন্‌। ইয়েনিবাদেয়ো তারা জিরেবার্‌ দিন্নোত্‌ সিয়েনি যিরূশালেমত্‌ আন্যন্‌। সেনত্তেই জিরেবার্‌ দিনোত্‌ হানা জিনিস বিজিবার্‌ পৌইদ্যেনে মুই তারারে উজিয়ার্‌ গুরিলুঙ্‌।

গীতসংহিতা 80:8

তুই এক্কান আংগুর লুদি ধোক্ক্যেন্ মিসর দেজত্তুন্ আমারে আনিলে; অন্য জাদ্‌তুনোরে ধাবেই দিইনে তুই সিয়েনরে লাগেলে।

গীতসংহিতা 80:9

তুই সিয়েনত্যে ভুই তেল্-তেল্যে গুরিলে; সিয়েনর শিঙোরান মাদিত্ বুজিনে সারা দেজত্ ছিদি গেলঅ।

যাত্রা 33:16

তুই আমা লগে ন-গেলে মানুচ্চুনে কিঙিরিনে বুঝিবাক্‌, মঅ উগুরে আর তর্‌ মানুচ্চুনো উগুরে তর্‌ দোয়্যে আঘে? মুই আর তর্‌ মানুচ্চুনে যে পিত্‌থিমীর্‌ অন্য মানুচ্চুনোত্তুন্‌ যুদো সিয়েন্‌ আর কেধোক্ক্যেনগুরি বুঝো যেবঅ‌?

যিশাইয় 1:8

সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 2:21

মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

মীখা 4:8

ও ভেড়া গরগর্ চুগিদার-ঘরান, ও সিয়োন-ঝিবোর্ ঘরান, আগ রেজ্যগান তইধু ফিরেই দিয়্যে অবঅ; রাজা আরঅ যিরূশালেমত্ রাজাগিরি গুরিবো।”

গণাণা 23:9

মুড়ো উগুরেত্তুন্‌ মুই তারারে দেখ্যং; তারারে মুই মুড়ো উগুরেত্তুন্‌ দেখ্যং। মুই এন্‌ এক্কো জাদরে দেখ্যং যে অন্যগুনোত্তুন্‌ দূরোত্‌ থায়; অন্য বেক্‌ জাদ্‌তুনো সমারে নিজোরে এক গুরি ন-দেগে।

মথি লেখ্যে গম্ হবর্ 21:19

পধ পাজারাত্ এক্কো ডোমোর্ গাজ্ দেগিনে তে গাজ্‌সো ইধু গেলঅ, মাত্তর্ সিবেত্ পাদা বাদে আর কিচ্চু ন-দেগিলো। সেক্কে তে গাজ্‌সোরে কলঅ, “আর কনদিন্অ তইধু গুলোগুলি ন-ধোরোদোক্।” আর সেক্কে ডোমোর্ গাজ্‌সো শুগেই গেলঅ।

মথি লেখ্যে গম্ হবর্ 21:33

“যীশু কলঅ, আর এক্কান্ উপমা দুয়োং, শুনো। এক্কো ভূইয়ো গিরোজে এক্কান্ আংগুর খেত্ গুরিনে সিয়েনর্ চেরোকিত্তে ঘিরি দিলো। পরেদি সেই খেদ ভিদিরে আংগুর-রস বানেবাত্তে গাঢ্ খুড়িলো আর এক্কান্ অজল্ চুগিদার ঘর বানেল। ইয়েনর্ পরেদি তে কয়েক্কো চাষাবলা ইধু সেই আংগুর খেদ্‌তান বাগা দিইনে বিদেশত্ গেলঅ।

মথি লেখ্যে গম্ হবর্ 21:34

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো।

মার্ক 11:13

সেক্কে ডোমোর্ গুলো পাগিবার্ অক্ত ন-এলঅ, মাত্তর্ তো তে দূরোত্তুন্ পাদালোই ঢাক্যে এক্কো ডোমোর্ গাজ্ দেগিনে সিবেত্ কনঅ ফল আঘে নাহি সিবে চেবাত্তে গেলঅ।

মার্ক 12:1

ইয়েনর্ পরেদি যীশু হিত্ত্যলোই তারা ইধু শিক্ষ্যে দিয়্যে ধুরিলো। তে কলঅ, এক্কো ভূইয়ো গিরোজে এক্কান আংগুর খেদ গুরিনে সিয়েনর্ চেরোকিত্তে ঘিরি দিলো। পরেদি তে আংগুর-রস বানেবাত্তে এক্কো গাঢ্ খুড়িলো আর এক্কান অজল্ চুগিদার ঘর্ বানেল। পরেদি তে কয়েক্কো চাষাবলা ইধু খেদ্‌তান বাগা দিইনে বিদেশত্ গেলঅ।

মার্ক 12:2

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো।

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

১ করিন্হীয় 9:7

নিজোর্ পৌইজ্যে খরচ্ গুরিনে কন্না সৈনিগোর্ কাম গরে? আংগুর ক্ষেত যে গরে তে কি তার্ ফলুন্ ন-খায়? য়েমান পালুন্ যে চরায় তে কি সিগুনোর্ দুধ ন-খায়?

দ্বি’লম্বর বিররণ 32:6

ও অবুঝ, বুদ্ধিনেইয়্যে জাদ! এবাবোত্যেগুরি কি তুমি লগেপ্রভুরে হেনা উগুরেবা? তে কি তমার বাপ্‌ তে কি সৃট্টি গুরিয়েবো নয়? তেয়ই দঅ তমারে সৃট্টি গোজ্যে; তেয়ই জাদ ইজেবে তমারে থিদেবর্ গোজ্যে।

বিচের গুরিয়্যেগুন 16:4

পরেন্দি সোরেক কিঝিঙোত্‌ এক্কো মিলে উগুরে শিম্‌শোনর চোখ্‌ পল্ল। তা নাঙান্‌ অলদে দলীলা।