যিশাইয় 5:19 - Chakma Bible

¹⁹ তারা কন্দে, “গোজেন যাদিমাদি গর্; তে যাদিমাদি গুরি তা কামানি গোরোক্ যেন আমি সিয়েনি দেগিই, ইস্রায়েলর সেই পবিত্র মানুচ্চোর্ সল্লাগান্ পুরোণ্ ওক্ যেন আমি সিয়েন হবর্ পেই।”

যিশাইয় 5:19 Iomraidhean Croise

যিশাইয় 30:11

পথ্‌তান ছাড়, পথ্‌‌‌তানত্তুন্ সুরি যঅ। আমি আর্ ইস্রায়েলর সেই পবিত্র মানুচ্চোর কধা শুনিবাত্তে ন-চেই।”

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

যিরমিয় 17:15

চঅ, তারা মরে কন্, “লগেপ্রভুর কধানি কুদু? ইক্কিনে সিয়েন পুরোন ওক্।”

যিরমিয় 23:18

মাত্তর্ তারা ভিদিরেত্তুন কন্না মঅ কধানি শুনিবার আর বুঝিবাত্তে মঅ মুজুঙোত্ থিয়্যেইয়্যে? কন্না মঅ কধানি কান পাত্যে বা সিয়েনি মনযোগ দিয়্যে?

যিরমিয় 23:36

মাত্তর্ তুমি যেন আর কনদিন্‌অ ন-কঅ, ‘লগেপ্রভুর কধাগান ইয়েন,’ কিত্তে পত্তি মানুচ্ নিজোর কধানরে গোজেনর কধা বানায়। এবাবোত্যেগুরি তুমি জেদা গোজেনর, তমা বেগত্তুন খেমতাবলা লগেপ্রভুর কধানি বেঙা গরঅ।”

যিরমিয় 36:23

যিহূদী সে বোইবো কিজু পড়ানার পরেদি রাজা লিগিয়্যেবোর ছুরিগান্দোই সে ভাগ্‌কান কাবিনে আগুনো পিলেবোত্ ফেলেই দিলো; এবাবোত্যেগুরি গোদা বোইবো আগুনোত্ পুড়ি দিয়্যে অলঅ।

যিহিষ্কেল 12:22

“ও মানজ্যর্ পুয়োবো, ইস্রায়েল দেজত্ ইয়েন কিবাবোত্যে দাগ কধা রোইয়্যে, ‘দিনুন্ কাদি যায় আর পত্তি দর্শনই বিফল অয়’?

যিহিষ্কেল 12:27

“ও মান্‌জ্যর্ পুয়োবো, ইস্রায়েলীয়গুনে কধন্দে, তুই যে দর্শনান্ দেখ্যচ্ সিয়েন ইক্কেত্তুন্ ধুরি বোউত্ বজরর্ কধা, আর যে আগাম্ কধা কর্ সিয়েন দুরোর্ আগাম্ কধা।

হোশেয় 10:3

তারা সেক্কে হামাক্কায় কবাক্, “আমি লগেপ্রভুরে ন-দোরেই বিলি আমার কনঅ রাজা নেই। মাত্তর্ রাজা থেলেয়ো তে আমাত্তে কি গুরি পারিদো?”

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”