যিশাইয় 5:13 - Chakma Bible

¹³ সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিশাইয় 5:13 Iomraidhean Croise

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 23:9

তার বেক্ দেমাগ্‌কানে ভস্ত গুরিবাত্তে আর পিত্‌থিমীর নাঙ-গোজ্যে মানুচ্চুনোরে তলে ফেলেবাত্তে বেগত্তুন্ খেমতাবলা লগেপ্রভু এ পরিকল্পনাগান গোজ্যে।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 3:1

ইক্কিনে চঅ, যেদক্কানি জিনিস আর মানুচ্চুনো উগুরে বিশ্বেজ্ গরন্ সেই বেক যিরূশালেমান্ আর যিহূদাত্তুন্ বেগত্তুন্ খেমতাবলা প্রভু লগেপ্রভু দূর্ গুরি দিবাত্তে যার্। তে তারার্ বেক হানাগানি আর পানিগান দূর্ গুরি দিবো।

যিশাইয় 3:3

পঞ্চাশ জন সৈন্যর্ সেনাপতি আর সর্মানিত মানুচ্চুনোরে, সল্লাদিয়্যেগুনোরে, চালাগ্ যাদুগুরিয়্যেগুনোরে আর মন্ত্র-কোইয়্যেগুনোরে দূর্ গুরি দিবাত্তে যার্।

যিশাইয় 44:19

কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍

যিশাইয় 49:21

সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 14:3

মুরুব্বীগুনে পানিত্তে তারার চাগরুনোরে পাদান; তারা পানি জাগাত্ এইনে পানি ন-পেইনে সুদো কুম্‌‌বোই ফিরি যান; তারা লাজে আর আশা আরেইনে ওইনে মাঢাগুন নাঢি রাগান্।

যিরমিয় 8:7

সারস পেগ্‌‌কোয়ো নিজো সময়ান হবর্ পায়, আর কঅ, চাতক আর শালিক পেগ্‌কুনেয়ো তারার যেবার সময়ান ইন্দি খিয়েল রাগান, মাত্তর্ মঅ মানুচ্চুনে মর্ সুদোমানি ইন্দি মনযোগ ন-দুয়োন।‌

আবিলেচ্ 4:9

ভাদরাদে মরানাত্তুন্ বরং যুদ্ধোত্ মরানা গম্; মঅ মানুচ্চুনে খেদর্ শোজ্যর্ অভাবে পেট্‌পরায় কেঙেদা ওই যাদন্।

যিহিষ্কেল 7:12

সময় ওইয়্যে, দিন এই যেইয়্যে। যিগুনে ভূই কিনোন্ তারা ফুত্তি ন-গোত্তোক্ আর যিগুনে ভূই বেজন্ তারায়ো দুঘ্ ন-গোত্তোক্, কিত্যে তারার্ বেক্কুনো উগুরে রাগ্‌‌‌‌‌‌কান আজিল্ ওইয়্যে।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

আমোষ 8:13

সেদিন্যে দোল্ দোল্ গাবুজ্যে মিলেগুনে আর বোলী গাবুজ্যেগুনে সেই কধানির্ তিরেজে জ্ঞান আরেবাক্।

লূকে লেখ্যে গম্ হবর্ 19:44

তারা তরে আর তঅ ভিদিরে বেক্‌ মানুচ্চুনোরে ধুরিনে মাদিত্ আঝার্ মারিবাক্ আর এক্কো পাত্তর উগুরে আর এক্কো পাত্তর্ ন-থবাক্, কিয়া গোজেনে যে অক্তত্ তইন্দি মনযোগ্ দিয়্যে সেই সময়ান্ তুই ন-চিনোচ্।”

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

২ পিতর 3:5

এই মানুচ্চুনে আওজ্ গুরিনে ভুলি যান্, ভালোক্ দিন আগে গোজেনর্ কধালোই আগাজ্‌চান সৃট্টি ওইয়্যে আর পানিলোই আহ্ পানি ভিদিরেত্তুন্ পিত্‌থিমীগান্অ সৃট্টি ওইয়্যে।