যিশাইয় 5:12 - Chakma Bible

¹² তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিশাইয় 5:12 Iomraidhean Croise

পত্থম 31:27

কিত্তে তুই চালাগি গুরি মরে ন-কোইনে চুর্‌গুরি ধেই এবে? মরে কলে দঅ মুই হজিয়্যে, গিদে-রেঙে, জোনজোনি আর বীণা বাজেইনে তরে বিদেই দিদুং।

২ শমূয়েল 19:35

মর্‌ বয়স ইক্কিনে আশি বজর। কুবোন্‌ গম্‌ আহ্ কুবোন বজং সিয়েন কি ইক্কিনে আর্ মুই কোই পারং? তঅ চাগর্‌ মুই ইক্কিনে যিয়েনি হাং সিয়েনি সুয়োত্ কি মুই বুঝি পারং? গান গেইয়্যেগুনোর গানুন্‌ কি মুই এজঅ শুনোং? তঅ এ চাগরবো কিত্তে মঅ গিরোজ মহারাজর্‌ এক্কো অালাদা ঝামেলা ওই থেবঅ?

ইয়োব 34:27

কিত্যে তারা তা পধেদি আঢানা বাদ দুয়োন; তার কনঅ উগুমো উগুরে তারার খিয়েল্ নেই।

গীতসংহিতা 28:5

লগেপ্রভুর আঢ্‌তানিয়ে যে কামানি গোজ্যে সিয়েনি উগুরে তারা মনযোগ ন-দুয়োন, সেনত্তেই তে তারারে ভস্ত গুরিবো, আরঅ ন-তুলিবো।

যিশাইয় 22:13

মাত্তর্ চঅ, সিয়েনত্ রঙ্গ ফুত্তি আর রঅ রঅ ছঅ ছঅ চলের্, আর গোরু ভেড়া কাবিনে আহ্ য়েরা আর আংগুর-রস হানা চলের্। তুমি কত্তে, “এজঅ, আমি হানা-দানা গুরিই, কিত্তে কেল্যে আমি মুরি যেবং।”

যিশাইয় 24:8

ঝোন্‌ঝোনির ফুত্তি, রঅ ছাড়িয়্যেগুনোর রঅ আর বীণার হুজির গান বেক্কানি থামেব।

যিশাইয় 29:1

হায়, অরীয়েল, অরীয়েল, দায়ূদোর থেবার জাগায়ানর শঅরান্! তুই বজরর্ পর্ বজর্ পার্ গুরি যর্ আরি তঅ পরব্‌পুন ঘুরি ঘুরি এত্তন্।

যিশাইয় 5:19

তারা কন্দে, “গোজেন যাদিমাদি গর্; তে যাদিমাদি গুরি তা কামানি গোরোক্ যেন আমি সিয়েনি দেগিই, ইস্রায়েলর সেই পবিত্র মানুচ্চোর্ সল্লাগান্ পুরোণ্ ওক্ যেন আমি সিয়েন হবর্ পেই।”

যিশাইয় 56:12

বেক্কুনে কন্, “যেই, আংগুর-রস আনিই; যেই, আমি পেট্ ভরে সং মদ হেই। এচ্চ্যেত্তুন্ কেল্যে আরঅ গম্ অবঅ।”

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

১ করিন্হীয় 14:7

এন্‌ কি বাশী বা বীণা ধোক্ক্যেন্ পরাণ-নেইয়্যে বাজনা যুনি গমেডালে যুদো যুদো সুরে ন-বাজে, সালে বাশী বা বীণাত্ কি সুর্ বাজের্ সিয়েন কেধোক্ক্যেন গুরিনে জানা যেবঅ?

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।

১ শমূয়েল 12:24

তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।