যিশাইয় 49:9 - Chakma Bible

⁹ তুই বন্দীগুনোরে কবে, ‘তুমি উদ্ধোর্ অ,’ আর যিগুনে আন্ধারত্ আগন তারারে কবে, ‘তুমি নিগিলি এজঅ।’ তারা পধ পারত্ আর গাজ্-বাজ্ নেইয়্যে মুড়ো উগুরে হানা পেবাক্।

যিশাইয় 49:9 Iomraidhean Croise

গীতসংহিতা 146:7

তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 69:33

লগেপ্রভু নাদামানুচ্চুনোর্ কধানি শুনে; তা মানুচ্চুন, যিগুনে বন্দীদজাত্ আগন্, তারারে তে বেঙা চোগেন্দি ন-চায়।

যিশাইয় 41:18

মুই গাজ্-বাজ্ নেইয়্যে মুড়োগুনো উগুরে গাঙ্ ওইনে বেঈ যেম্ আর কলগর্ নানান জাগাত্ তান্জাং গুরি দিম। মুই ধূল্যেচরত্ পুয়োর্ বানেই দিম, আর শুগুনো মাদিত্ পয়নালা খুলি দিম।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিশাইয় 5:17

সেক্কে ভেড়াগুনে নিজো খেদত্ যেধোক্ক্যেন্ গুরি চরন্ সেধোক্ক্যেন্ গুরি তাগোয়্যেগুনোর বেক্ ভস্ত ওইয়্যে জাগায়ানিত্ চড়িবাক্, আর বিদেশীগুনে সেই ভস্ত ওইয়্যে জাগায়ানি ভোগ্ গুরিবাক্।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিশাইয় 9:2

যে মানুচ্চুনে আন্ধারত্ চলন্ তারা দাঙর্ পহ্‌‌র দেগিবাক্; যিগুনে গুর্‌‌গুজ্যে আন্ধার দেজত্ বজত্তি গরন্ তারা উগুরে সে পহ্‌‌রান জুলিবো।

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

যিহিষ্কেল 34:29

মুই তারারে বোল্‌‌‌‌বোল্যে ভূই দিম; দেজ ভিদিরে তারা আর ভাদরাদত্ ন-পড়িবাক্ বা অন্য জাদ ইধু অসর্মান ন-অবাক্।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

লেবীয় 25:54

ইগুনোর্‌ কনঅ উপায়ে যুনি তারে ছাড়েই নেযা ন-অয় সালে তারে আর তার্‌ ঝি-পূঅগুনোরে ফিরি পেবার্‌ বজরত্‌ ছাড়ি দিয়্যে পুরিবো।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

যোহন 10:9

মুয়ই দুয়োরান্। যুনি কেঅ মঅ মাধ্যমে ভিদিরেদি সমে সালে তে উদ্ধোর্ পেবঅ। তে ভিদিরে এবঅ আর বারেদি যেবঅ আর চরত্ হেবার্ জাগা পেবঅ।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

দ্বি’লম্বর বিররণ 32:13

জিত্যে ইজেবে তারে তে চালেইনে নেযেল দেজর্ এক মুড়োত্তুন অন্য মুড়োত্‌; তারে খেদর্‌ ফসল হেবাত্তে দিলো। তে তারে হাবেল সেই মধু যিয়েন মুড়োবোর ফাদানত্‌ পাহ্ যায়, আর তারে দরঅ পাত্তরর্‌ ভুইয়োত্‌ জলপাইয়র তেল হাবেল।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।