যিশাইয় 49:25 - Chakma Bible

²⁵ মাত্তর্ লগেপ্রভু কোইয়্যেদে, “অয়, যুদ্ধোগুরিয়্যেগুনো আঢত্তুন্ বন্দীগুনোরে নেযা অবঅ আর দর্‌গরেপারা মানজ্যর্ আঢত্তুন্ লুদেয়্যে পযাপিরানি উদ্ধোর গরা অবঅ। যিগুনে তঅ লগে কোজ্যে বাজেবাক্ তারা লগে মুয়ই কোজ্যে বাজেম্ আর তঅ পুয়োগুনোরে মুয়ই রোক্ষ্যে গুরিম।‍

যিশাইয় 49:25 Iomraidhean Croise

পত্থম 12:3

যিগুনে তরে বর্ দিবাক্‌ মুই তারারে বর্ দিম, আর যিগুনে তরে অভিশাব দিবাক্‌ মুই তারারে অভিশাব দিম্‌। তঅ মাধ্যমে পিত্‌থিমীর্‌ বেক্‌ জাদ্‌তুনে বর্ পেবাক্‌ ।

গীতসংহিতা 35:1

ও লগেপ্রভু, যিগুনে মর্ বিপক্ষে তুইয়ো তারার্ বিপক্ষে থাগ্; যিগুনে মঅ বিরুদ্ধে যুদ্ধো গরন্ তুইয়ো তারা বিরুদ্ধে যুদ্ধো গর্।

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 19:20

ইয়েনি অবঅ মিসর দেজত্ বেগত্তুন্ খেমতাবলা লগেপ্রভুর নাঙে এক্কান চিহ্নো আর সাক্ষি। তারার্ অত্যেচার গুরিয়্যেগুনোর্ কারনে তারা যেক্কে লগেপ্রভু ইদু কানিবাক্ সেক্কে তে তারা ইদু এক্কো উদ্ধোর্ গুরিয়্যে আর রোক্ষ্যেগুরিয়্যে পাধেই দিবো আর তে তারারে উদ্ধোর্ গুরিবো।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 5:29

পাড়ি সিংহ ধোক্ক্যেন্ তারার্ গুজুরোনিগান্; তারা দামাড়া সিংহ ধোক্ক্যেন্ গুজুরিবাক্ আর শিগের্ গুরিবার অক্তত্ গো গো রঅ গুরিবাক্। সে শিগেরুন্ তারা বুয়োই নেযেবাক্; তারা আঢত্তুন্ কনজনে সিগুন রোক্ক্যে গুরি ন-পারিবাক্।

যিশাইয় 51:14

বন্দীগুনোরে যাদিমাদি ইরি দিয়্যে অবঅ। তারা তারার্ জেলখানা গাদত্ মুরি ন-যেবাক্, তারার হানার্‌অ অভাব ন-অবঅ।

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিরমিয় 15:21

মুই তরে পাজিগুনোর আঢত্তুন রোক্ষ্যে গুরিম আর চিৎকলিজে নেইয়্যেগুনোর মুদোত্তুন উদ্ধোর্ গুরিম।”

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিরমিয় 31:11

মুই লগেপ্রভু যাকোবরে ছাড়ি আনিম আর তারাত্তুন্ বেশ্ খেমতাবলাগুনো আঢত্তুন্ তারারে উদ্ধোর্ গুরিম।

লেবীয় 25:54

ইগুনোর্‌ কনঅ উপায়ে যুনি তারে ছাড়েই নেযা ন-অয় সালে তারে আর তার্‌ ঝি-পূঅগুনোরে ফিরি পেবার্‌ বজরত্‌ ছাড়ি দিয়্যে পুরিবো।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

সখরিয় 14:12

যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

সখরিয় 9:11

ও যিরূশালেম, তত্তেই মর্ সুদোমান থিদেবর্ গুরিবার লো-লোই মুই তর্ বন্দীগুনোরে সেই পানি নেইয়্যে গাঢত্তুন্ উদ্ধোর্ গুরি দিম।

মার্ক 3:27

“বোলী মান্‌জ্যর ঘর কেঅ ভাঙি ন-পারে আর পত্তমে বোলী মানুচ্চোরে বানি ন-রাগেলে কনজনে কি তা ঘরত্ সোমেইনে পযাপিরা লুদেই পারে? বানিলে পরেদি তে সিয়েনি গুরি পারিবো।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”