যিশাইয় 49:23 - Chakma Bible

²³ রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 49:23 Iomraidhean Croise

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

পত্থম 43:26

যোষেফে যেক্কে ঘরত্‌ এলঅ সেক্কে তারা সে বোক্‌শিজ্‌ছানি ঘর ভিদিরে নেযেইনে তারে দিলাক্‌ আর মাদিত্‌ মাদা নিগিরিনে তারে জু জু জানেলাক্।

গীতসংহিতা 138:4

ও লগেপ্রভু, তঅ মুয়ো কধা শুনিনে পিত্‌থিমীর বেক্ রাজাগুনে তর্ বাঈনী গুরিবাক্।

গীতসংহিতা 25:3

যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 34:22

লগেপ্রভু তার্ চাগরুনোরে উদ্ধোর্ গরে; যিগুনে তাইদু আশ্রয় নেযান্ তারা কনজনে সাজা ন-পেবাক্।

গীতসংহিতা 68:31

মিসরত্তুন রাজদূত্‌তুনে এবাক্; কূশ যাদিমাদি গুরি গোজেন ইদু আঢ্‌তান বাবেই দিবো।

গীতসংহিতা 69:6

ও প্রভু, বেগত্তুন খেমতাবলা লগেপ্রভু, যিগুনে তরে বাজ্জেই আগন্ মত্তেই তারা যেন লাজ্ ন-পান। ও ইস্রায়েলর গোজেন, যিগুনে তরে জানিবাত্তে আওজ্ গত্তন্ তারা যেন মত্তে অসর্মান ন-অন্।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 26:8

অয়, লগেপ্রভু, আমি তর্ ন্যায় পধেদি আঢিনে তত্তে বাজ্জেই আগিই; আমি চেই যেন তুই তঅ কামর্ মাধ্যমে ফগদং অ।

যিশাইয় 29:22

সেনত্তে অব্রাহামর্ উদ্ধোর্‌গুরিয়্যে লগেপ্রভু যাকোব বংশ পৌইদ্যেনে কোইয়্যেদে, “যাকোবে আর্ লাজ্ ন-পেবঅ; তারার্ মুয়োনি আর্ কালাচদামু ন-অবঅ।

যিশাইয় 41:20

যেনে মানুচ্চুনে দেগন্, হবর্ পেইনে আর বিবেচনা গুরিনে বুঝি পারন্, লগেপ্রভুর্ আঢ্‌‌‌‌‌তানিয়ে এ কামান গোজ্যে, ইস্রায়েলর সেই সুদ্ধো-সাংগ মানুচ্চো ইয়েনি গোজ্যে।”

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 50:7

প্রভু লগেপ্রভু মরে সাহায্য গরে বিলিনে মুই অগমানিত ন-ওম্। সেনত্তে মুই চক্‌মকি পাত্তর ধোক্ক্যেন মঅ মুয়োন দরমর গোজ্যং, মুই ন-লাজেম্। ‌‌

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিশাইয় 52:6

সেনত্তে মঅ মানুচ্চুনে হবর্ পেবাক্ মুই কন্না; সেদিন্যে তারা হবর্ পেবাক্, মুয়ই কধা কোইয়োং; অয়, মুয়ই কোইয়োং।”

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিশাইয় 60:3

জাদ্‌তুনে তর্ পহ্‌‌‌‌র ইদু এবাক্; ‌ রাজাগুনে তর্ বেন্যেপোত্যে পহ্‌‌‌র ইদু এবাক্।

যিশাইয় 62:2

ও যিরূশালেম, জাদ্‌‍‍তুনে তর্ সততাগান আর বেক্ রাজাগুনে তর্ মহিমাগান দেগিবাক্। তরে এক্কান নুয়ো নাঙে ডাগা অবঅ; লগেপ্রভু সেই নাঙান দিবো।

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিহিষ্কেল 37:6

মুই তমা আড়ুনো লগে আড়্ বানি দিম, তমা উগুরে য়েরা বাড়েই দিম আর চামাড়ালোই সিয়েনি নাঢি দিম। মুই তমা ভিদিরে নিজেস্ দিম আর তুমি জেদা অবা। সেক্কে তুমি হবর্ পেবা যে, মুয়ই লগেপ্রভু।’”

যোয়েল 2:27

সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

মীখা 7:17

তারা সাপ আর অন্য বুগেদি-আদন্দে পরাণবলাগুনো ধোক্ক্যেন ধূল্যে খাদোক্। তারা তাম্বুলানিত্তুন্ গির্‌গিরে গির্‌গিরে তমা ইধু, আমা গোজেন লগেপ্রভু ইধু নিগিলি এত্তোক্ আর তরে দরাদোক্।

গণাণা 11:12

মুই কি এই বেক্‌ মানুচ্চুনোরে পেদত্‌ ধোজ্যং? মুই কি ইগুনোরে পুদেয়োং? তুই তারার পুরোণি মানুচ্চুনো ইদু যে দেজ্‌চান্‌ দিবার্‌ শমক্‌ খেইয়োচ্‌ সিয়েনত্‌ কিত্তেই তুই মরে সাদাঙা-বাব ধোক্ক্যেন গুরি তারারে বুগোদ্‌ গুরি নেযেবাত্তে কোইয়োচ?

মথি লেখ্যে গম্ হবর্ 25:16

যে পাচ্ আজার্ দীনার্ পেলঅ তে সিগুন্দোই বেবসা গুরিনে আরঅ পাচ্ আজার্ দীনার্ লাভ্ গুরিলো।

রোমীয় 10:11

পবিত্র বোইবো কয়, “যে কেঅ তা উগুরে বিশ্বেজ্ গরে তে আজা-নেইয়্যে ন-অবঅ।”

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।