যিশাইয় 49:21 - Chakma Bible

²¹ সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 49:21 Iomraidhean Croise

যিশাইয় 1:8

সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 29:23

যেক্কে তারা তারা ভিদিরে মঅ আঢ কামানি, অত্তাৎ তারার্ ঝি-পুয়োগুনোরে দেগিবাক্ সেক্কে তারা মরে পবিত্র বিলিনে মানিবাক্। যাকোবর্ সেই পবিত্র মানুচ্চোরে তারা পবিত্র বিলি স্বিগের্ গুরিবাক্ আর ইস্রায়েলর্ গোজেনরে ভোক্তিগুরিনে দোরেবাক্।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

যিশাইয় 60:8

নিজোর্ বাহ্‌‌বো ইন্দি কঅগুনে যেধোক্ক্যেন উড়ি এজন্ সেধোক্ক্যেন ইগুন কন্না মেঘ ধোক্ক্যেন উড়ি এত্তন্?

যিশাইয় 62:4

তারা আর্ তরে “ফেলেই যেইয়্যে” ন-কবাক্ বা তঅ দেজ নাঙান “মানুচ্ নেইয়্যে” ন-কবাক্, বরং তরে “মর্ কোচ্‌পেইয়্যে মিলেবো” কুয়ো অবঅ আর তঅ দেজ্‌চানরে “গাবুজ্যে নয়” বিলিনে কুয়ো অবঅ, কিত্তে লগেপ্রভু তরে নিইনে হুজি অবঅ আর তঅ দেজ্‌‌‌চানর মেলা অবঅ।‍‍

যিশাইয় 64:10

তর্ সুদ্ধো-সাংগ শঅরানি ধূল্যেচর চাগালা ওই যেইয়্যে; এমন্ কি, সিয়োনর্‌‌অ সেই অবস্থা ওইয়্যে, অয়, যিরূশালেম মানুচ্ নেইয়্যে ওইয়্যে।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

রোমীয় 11:24

আজলে তুই এক্কো ঝার্‌বো জলপাই গাজর্ ডেলা এলে, আর সেই গাজ্‌চোত্তুন্ তরে কাবি লোইনে বাগান জলপাই গাজত্ এনেবাদে জড়া দিয়্যে ওইয়্যে। সালে যিগুনে সেই গাজ্‌চোর্ আজল্ ডেলা এলাক্, কত্তমান্ সহজে তারারে নিজো গাজ ইধু আরঅ জড়া দিয়্যে অবঅ।

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।