যিশাইয় 49:2 - Chakma Bible

² তে মঅ মুয়োন ধারেয়্যে তলোয়ার ধোক্ক্যেন গোজ্যে। তে মরে তা আঢ ছাবাবোলোই লুগেই রাগেয়্যে। তে মরে এক্কো বেঈ লোইয়্যে সেল্ বানেয়্যে আর তার সেল্ রাগেবার খাজাবো ভিদিরে রাগেয়্যে।

যিশাইয় 49:2 Iomraidhean Croise

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

যাত্রা 33:22

মর্‌ মহিমাগান যেক্কে তর্‌ মুজুঙেন্দি যেবগোই সেক্কে মুই তরে মুড়োবোর্‌ ফাদান ভিদিরে সোরেই দিম্‌ আর মুই ন-যানা সং তরে মর্‌ আত্তান্দোই‌ ঢাগি রাগেম্‌।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

হোশেয় 6:5

সেনত্তে মঅ ভাববাদীগুনোরে দিইনে মুই তমারে কট্টা কট্টা গুরি কাপ্যং, মঅ মুয়ো কধালোই তমারে মারে ফেল্যং; মর্ বিচেরর্ রায় তমা উগুরে কারেন ধোক্ক্যেন ঝিমিলেই উঠ্যে।

হবক্‌‌‌‌কূক 3:11

তর্ উড়েদে সেল্লোর্ ঝিমিলেনিলোই আর কারেন ধোক্ক্যেন্ তর্ যাদিবোর্ ঝিমিলেনিত্ আগাজত্ বেলান্ আর চানান্ থির্ ওইনে থিয়্যেই রলঅ।

লূকে লেখ্যে গম্ হবর্ 23:46

যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।

ইফিষীয় 6:17

মাঢাগুন্ রোক্ষ্যে গুরিবাত্যে গোজেনর্ দিয়্যে উদ্ধোর্ মাঢাত্ দিইনে পবিত্র আত্মার্ ছুরি, অত্তাৎ গোজেনর্ কধানি মানি লঅ।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ফগদাং পেইয়্যে 1:16

তে তার্ ডেন্ আঢেদি সাত্‌টো তারা ধুরি থোইয়্যে আর তা মুয়োত্তুন্ এক্কান ধার্ ছুরি নিগিলি এজের্ যিয়েনর্ দ্বিয়ো কিত্ত্যেদি ধার্ এলঅ। ভারী তেজে জ্বোল্‌জোল্ল্যে বেলান ধোক্ক্যেন তা মুয়ো চেঙারাগান এলঅ।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

ফগদাং পেইয়্যে 2:12

পর্গাম শঅরর্ মন্ডলী দূত্‌তো ইধু এ কধাগান লেগ- যে ধারেয়্যে ছুরিগানর্ দ্বিয়ো কিত্ত্যেদি ধার্ আঘে সিয়েনর অধিকারী এ কধাগান কত্তে:

ফগদাং পেইয়্যে 2:16

সেনত্যে এ অবস্থাত্তুন্ মনান্ ফিরা। যুনি মনান্ ন-ফিরেচ্ সালে মুই সবরে তইধু এইম্ আর মঅ মুয়ো ছুরিগান্দোই তারা বিরুদ্ধে যুদ্ধো গুরিম।