যিশাইয় 49:19 - Chakma Bible

¹⁹ “যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিশাইয় 49:19 Iomraidhean Croise

গীতসংহিতা 124:3

সালে সিগুনে আমা বিরুদ্ধে রাগে ফুলি উদিদাক্ আমারে জেদাবাদে গিলিদাক্,

গম্ উপদেজ্ 1:12

তারা যেবাবোত্যেগুরি পুরো কিয়্যেগান্দোই জেদাবাদে মরণ জাগাত, অত্তাৎ সে গাত্তোত্ লামন্দোই, সেবাবোত্যেগুরি এজঅ, আমি তারারে জেদাবাদে পুরো গিলি ফেলেই;

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 3:8

যিরূশালেমে উজোত্ হেইয়্যে আর যিহূদা পড়ি যেইয়্যে, কিত্তে তারার্ কধা আর কামানি লগেপ্রভুর বিরুদ্ধে; তারা গোজেন মুজুঙোত্ তা মহিমাগানরে এলাফেলা গরন্।

যিশাইয় 49:17

তঅ পুয়োগুনে ফিরি এবাত্তে তাড়াহুড়ো গত্তন্, আর যিগুনে তরে ভস্ত গুরিনে ফেলেই রাগেয়োন তারা তঅ মুজুঙেত্তুন্ যেবাক্কোই।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 54:3

কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 51:33

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, “বাবিল-ঝি শোজ্য মারিবার সময়োর হানা ধোক্ক্যেন ওইয়্যে; খেত্-খেত্তি কাবেদে ধোক্ক্যেন তারে কাবি ফেলেবার সময় যাদিমাদি এবঅ।”

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিহিষ্কেল 36:3

সেনত্তে মুই প্রভু লগেপ্রভু কঙর্, তুমি যেনে অন্য জাদ্‌‌‌‌‌তুনোর গজগত্ এজ আর মানুচ্চুনোর ইংসে আর নিন্দের্ মানুচ্ অ সেনত্তে তারা চেরোকিত্তেত্তুন্ তমারে ভস্ত আর গিলি ফেল্যন্।

সখরিয় 10:10

মিসর দেজত্তুন্ মুই তারারে ফিরেই আনিম্, আসিরিয়াত্তুন্ তারারে এগত্তর্ গুরিম। গিলিয়দ আর লেবাননত্ মুই তারারে আনিম আর এদক্ মানুচ্ অবাক্কে যে, সিয়েনত্ তারার্ জাগা ন-কুলেব।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।